立場新聞 Stand News

不只看刑期長短 判刑原則更為重要

2020/4/25 — 9:21

【文:腸】

2008年時上訴庭講過,蓄意傷人罪成「一般而言」個判刑範圍係 3-12 年,但實際刑期始終都係由原審法官視乎情況決定。

粗略睇過案例,用刀傷人性質本身已是嚴重,基本上起點 6 年走唔甩。

廣告

有啲案係黑社會攞牛肉刀互劈,最後受害者死咗變埋誤殺,(唔認罪下)都係得 6 年;

遊戲機中心畀人屌老母,即刻喺街買牛肉刀返嚟從後偷襲,無傷到內臟但都危殆,起點 6 年、認罪後 4 年;

廣告

同人爭女,班馬攞牛肉刀鐵通係卡拉 ok 房斬 / 扑另一批人,「只係」扑穿頭斬傷手,但因為係集體行兇而且有預謀困受害者喺房,起點 7 年、認罪後 4 年 8 個月;
劉進圖案刀手都係用牛肉刀,明顯意圖打擊新聞自由、計劃精密、受害者永久傷殘,19 年;

今次單案兇徒只有被告自己一人、未經真正意義下的「挑釁」、有預謀攞刀但又唔算精心策劃、受害者傷及內臟幾乎致命、醉酒行兇(係加刑因素)。

我純粹個人感覺,7-8 年起點都不過份,但 6 年係咪「明顯過輕」呢?喺鼓勵更新而非懲罰的大原則下,又未必。

但判刑嘅嘢,唔係淨係睇刑期長短;有時判刑理由所反映的原則,因為對未來案件有參考作用,可能更為重要。

畢竟「正義不僅要伸張,還須彰顯於人前」。

至於郭生的諗法點樣藍黃有別、前後不一甚至顛倒黑白,我諗大家都已經講晒,我就唔講了。

(原刊作者 FB)
 

發表意見