立場新聞 Stand News

不如押後一年排隊搭車返工?危險過排隊投票喎!

2020/7/25 — 17:15

戴口罩成港人日常

戴口罩成港人日常

目前吹風,要押後立法會選舉一年,聲稱是因為疫情嚴竣。其實,排隊搭車返工咪仲危險。因為,全民返工放工都集中喺繁忙時間,而投票係攤開一整天,而且只有七成人登記咗做選民,投票率也不會是 100%。更不要說,搭車不會有人同你量體溫,票站人員則或許可以安排。仲有,返工搭巴士搭港鐵,沙甸魚迫埋咁企喺度,點都危險過你排隊投票啦!真係有心防疫,就唔好胡亂豁免三十萬人檢疫啦。押後選舉一年,莫非當全世界都係傻?定係博大家話:好啦,押後三個月就算啦!問題唔係押後幾耐,而係你唔好當人白痴嘛!你要押後,就至少連埋排隊搭車返工睇齊啦。

廣告
廣告

發表意見