立場新聞 Stand News

不許百姓聚集 卻准炳強哂馬

2020/4/30 — 11:55

鄧炳強到長視察(NOW 新聞截圖)

鄧炳強到長視察(NOW 新聞截圖)

今日太平清醮,即使係有過百年歷史既重要節日,係疫情之下,所有傳統活動飄色巡遊等等都被警方要求取消,但唔怕,長洲依然有「巡遊」睇!炳強今日不知為何,明明長洲咩事都冇,係都要帶住五十個警察踩入去小小一個長洲,巡遊返一圈,影下相打下卡,同僅有既支持者揮下手咁。

「限聚令」理論上係減少人群聚集,減少疫情傳播風險。偏偏實施以來,多次見到一大班警察威風澟澟咁一大班人巡黎巡去,隨時見到有幾個巿民企係度,唔理佢地係咪真係聚集緊,就要拉要鎖要票控,幾威風幾大權力,只有佢地唔受呢條「限聚令」限制,鐘意幾多人一齊穿街過巷都冇所謂。半百警員同與炳強遊長洲,說好的減少人群聚集呢?嗱嗱嗱⋯⋯除非你話呢班警員唔係人係動物畜牲啦,如果唔係講唔過去呀⋯⋯

NOW 新聞截圖

NOW 新聞截圖

廣告

世紀疫症之下,要減少聚集真係無可厚非,無論有冇限聚令大家都應該少出街少聚集,但大家更加要睇清楚呢個政府既一言一行,究竟係真心從抗疫出發,定只係以抗疫為由,去將佢既權力、警權無限擴張。到而家我仲聽到唔少朋友真心相信呢個政府不停放風要延長再延長限聚令,出發點係真心為巿民為抗疫架。見到呢一幕幕警察大巡遊,我就真係唔信啦。

廣告

作者 Facebook

發表意見