立場新聞 Stand News

中二生 youtuber「雞丁」拍片爆紅︰究竟發生咗啲咩事?

2020/3/7 — 17:07

圖片素材來源:RAYVEL Studios 影片截圖

圖片素材來源:RAYVEL Studios 影片截圖

時下中小學生潮興拍片做 youtuber,一首回應社會的「土炮」rap歌《武漢肺炎》,令創作影片的中二生「雞丁」一夜爆紅,影片在網上瘋傳,連藝人陳法拉都轉載分享。記者紛紛邀請雞丁訪問,可惜不獲回應,今早雞丁在 youtube 發片回應,直言面對走紅不知所措,「究竟發生咗啲咩事?」他又認為「紅」只是暫時,多謝大家支持之餘,歡迎齊齊分享影片製作心得。

雞丁今早 10 時在 youtube 發佈「究竟發生咗啲咩事?」影片,指因為突然多了很多 subscriber(訂閱)不知所措,「感覺自己已經唔係以前嘅自己。」「究竟我係邊個?」

他又剖析爆紅現象的成因,是由於有人在討論區「連登」分享他的 YouTube 頻道,這麼大迴響「一啲都expect唔到」。他稱 2019 年曾定下要將訂閱人數由 156 人提升十倍至 1560 人,怎料現時已有7000多人,「我真係唔知發生咗咩事」。

廣告

影片爆紅後,雞丁收到很多訪問和合作邀請,他說近日最大的困難就是「覆 DM」(回覆訊息),雖然大部分都很正面,他曾嘗試回覆所有人,後來發現「要答晒係超級困難」。

廣告

雖然他不明白為何影片得到大眾分享,但仍然感謝大家支持,更多謝一開始就訂閱他的人,和朋友「果仁」。

對於「爆紅」,雞丁又有自己的一番理解:「其實我覺得紅呢,佢爆完就無了,爆紅完之後就唔會爆,所以我覺得可能呢個趨勢一陣間就無,所以大家都覺得我會去到十萬訂閱,我覺得係冇咩可能。」

影片的最後,雞丁又鼓勵大家加入他 YouTube 的「雞丁討論區」,交流做 YouTuber 的心得,「令到個 community 更加好,咁就輪到你有更多 subscriber 啦。」

中二生雞丁(Ray Chan)自小六開始經營自己的 YouTube 頻道「RAYVEL Studios」,分享日常生活。他 12 月時開始大玩 Rap 兼自製 MV,個多月前,他有一首〈武漢肺炎〉回應疫情:「個病毒喺度令人死,但多咗 two weeks holiday 。」抵死之餘又不失童真。

除了製作音樂短片,雞丁又喜歡分享自己的打機片段和點評日常所見所聞。他曾就港人瘋搶廁紙一事表示,打劫店鋪搶廁紙的人「好蠢」,又會拍片教人用電話應用程式製作圖像,影片剪接技巧亦十分純熟,令不少網民大讚。

 

發表意見