立場新聞 Stand News

中文大學 捱得過槍炮 卻死喺無恥嘅高層手上

2021/2/25 — 23:08

「我感到憂慮的,不是香港的自主權會被北京剝奪,而是這項權利會一點一滴地斷送在香港某些人手裏。」(彭定康)

段崇智、中文大學高層,你地嘅名字會永遠記係香港中文大學嘅歷史上,最極其醜陋污衊卑劣嘅一頁上。

近日,中大候任學生會內閣朔夜,以近四千票高票當選,係至2014年最高票。而中大校方今日光速劈下屠刀,與四千學生作對,用一系列極其嚴苟嘅打壓手段,變相殺會。
一)斷糧。宣布停止為中大學生會收取會費。

廣告

中大學生會係喺《香港中文大學條例》下注冊,而唔係獨立運作嘅社團。所以,只要中大拒絕為學生會收取會費,學生會嘅經費嘅財政來源將會完全被切斷,再收唔到會費保持日常運作。

二)DQ。暫停學生會幹事係校內唔同委員會嘅職務。

廣告

大學管治,講求尊重學生嘅聲音,所以各種管治大學嘅委員會,例如中大嘅「大學安全事務委員會」,都有學生會嘅代表。但從此以後,大學校方高層,決定唔再聽學生意見,將學生粗暴DQ出大學管治架構之外。橫蠻至此,無恥。

三)收地。暫停校方為學生會幹事會提供的行政與大學場地支援。

換言之,中大校方要學生會:冇錢、冇委員代表、冇地方做嘢。

學生係一間學校嘅未來、一個城巿嘅未來。一間學校,可以隨時為左奉承政權,向四千個學子開刀,算甚麼教育者、算甚麼大學?吃子如此,愧對創校先賢、愧對無數萬千中大人。

二零一九年血色十一月,全港巿民前仆後繼冒死都要撲入馬料水嘅山城,就係為左守護屬於香港人嘅呢座學府。香港人中大人,用血汗守住左中大,結果估唔到,中大嘅精神就此斷送係呢批魑魅魍魎手上。

沒有中大人,你段崇智、你中文大學,甚麼都不是。

你郁中大學生,全部中大人、全部學生、全部香港人都唔會䄂手旁觀。

(原刊於作者 Facebook,標題經編輯修改)

發表意見