立場新聞 Stand News

五毛技巧你要知!

2019/6/27 — 14:43

用 2014 的經驗,政府、差佬後退之後,港共、中共並唔會放軟手腳,而係轉而用文宣系統全面反擊。愛港力之類你當然一早知啦。但就算係討論區如連登,都有可能被滲透。呢個時候就要小心,唔好比人帶走高質的連登討論。

以下係曾經外流的五毛手冊內容,其中第 8 點尤其重要!

6、必要时可以制造更加耸人听闻的假新闻,吸引网民视线,然后很快澄清该消息纯属谣言。

7、某些论坛人气不错,网友信用度比较高,这时首先要做的是制造一种混乱,通过似是而非的文章进行干涉,跟贴作非理性的故意曲解、制造误会和争辩,转移网民注意力。

8、海外网站较难控制,当不能主导论坛舆论的时候,可以采用大量短贴、无实质内容贴、非理性贴进行刷屏,令版面充斥无意义的混乱,使读者失去兴趣,这样达到避免反动思想流通传播的目的。

廣告

連登而家咁勁,當然冇可能被中共改變思想風向。但用第8點,就係用無意義的內容去充斥,令D人花時間去講D無謂野洗版。咁就足以破壞「反動思想」的傳播,甚至破壞一個討論區的團結同互信。

早前係連登上出現攻擊「左膠」的文宣。我個人希望係少數真心憎恨左膠的人士所為。但萬一,五毛用呢種對左膠的憎恨,去開 po,充斥連登,咁就好可怕。

廣告

憎左膠,有舊怨,我明白。但而家左膠的影響力為零的當下去提左膠,就令人覺得係別有用心。花時間討論點提防已不存在的左膠,以後個個 po 都問下係咪想左膠散水,咁成個討論氣氛亦會急速惡化。

防範的方法好簡單,一,factcheck;二,問當下的討論有冇意義,係咪為運動好。有呢兩個原則,好快就知攻擊左膠po係好無作用,最後其怪自敗。

參考:五毛手冊

發表意見