立場新聞 Stand News

今天我們需要什麼

2021/1/6 — 13:32

立場新聞圖片

立場新聞圖片

【文 : 麥子】

今日一早起身見到 50 幾單新聞.....

唔駛講唔知幾時最後一次做乜做物用吸睛字眼,我只係想諗下
唔知幾時最後一次買蘋果
唔知幾時最後一次睇立場......

廣告

原來已經冇咗有缐新聞、冇咗立法會、冇咗警察叔叔、冇咗六四悼念、冇咗好多係香港既名人、冇緊好多身邊既朋友.......

面對咁既現實,沉靜落嚟⋯⋯

廣告

睇下身邊有冇人需要鼓勵,需要幫助....

今日 lunch 同夜晚嗰餐先 check 下手機,睇下最能夠去到既良心店係邊,哪怕用多 D 時間去支持佢 — 如果唔好食,搵機會話俾佢聽....

屋企人如果最近未有時間去關心佢,打個電話先,今個 weekend 去探望....

有大把書未睇,趁著疫情,留番時間俾自己獨處一下.....

有野想學,快 D 上網搵資料報名.....

有野想做,的起心肝去做....

有說話想講未講,揸起個電話,或者 WhatsApp......

....... 總有數不清既野可以做。

呢個係面對著現實可以過既生活。

但要小心提防一D 貌似中立嘅言論,無論出自政客定係學者.......

譬如好似上兩個星期午夜講場講一國兩制嘅呂大樂, 佢成個節目講既就係覺得香港人要諗吓,面對一國兩制是否未準備好...... 呢種唔再講返有承諾呢回事,而只係去講政治現實嘅接受,毫無原則嘅接受....... 大家要諗諗佢仲算唔算係學者,定係嗰種為叢林真理粉飾嘅學者,又或者係可以 ignore 既學者.......

同場既主持林緻茵,節目介紹佢係香港大學政治與公共行政學系哲學博士,冇講既係佢本身係香港政策研究所既髙級硏究員,呢個硏究所既副主席係曾鈺成 — you know what this means — 如果你想知道佢研究完寫出嚟嘅野係乜,可以上網睇 — 對於最近公務員宣誓,佢都有一篇研究報告,裏面都幾有趣,其中一點係,如果公務員用筆名評論政府政策,唔支持嘅就會有問題,但係如果你用筆名,佢唔知你真名就冇事,佢知道你真名,咁就有事....... 呢種政策研究都幾有趣...... 但係咪需要一個用咗唔少公帑嘅博士學位去做呢? 當然讀得書少係寫唔出嘅,即係唔係私煙之流可以做到....

提防各種各式講法- 好多學者,好多人,做嘅嘢都好重要..... 但係亦都有好多貌似中立, 不過其實係高級嘅私堙,等唔切就要出嚟粉飾太平.....

大家睇路!!

作者簡介 : 一個市民

 

發表意見