立場新聞 Stand News

代中文大學校長八問警察協會主席

2019/10/24 — 14:24

段崇智,圖片來源:中文大學

段崇智,圖片來源:中文大學

四警察協會 10 月 23 日〈致段崇智校長書〉

段一:「……反映閣下在培育學生及管理教育機構方面的理念及能力均遠遜於閣下的學術成就。」
段二:「我們並非教育機構,固然不適合評論段校長的教育理念和方針。」

問:「呢封信係咪你地每人寫一段再 copy & paste 埋一齊?下次會唔會考慮夾好先分工?」

段一:「閣下對相關學生的『經歷』不抱任何懷疑,對學生被捕前涉嫌干犯的嚴重罪行隻字不提……在沒有事實基礎下聲嘶力竭地高呼要查證及譴責涉嫌違規的警務人員……求證求真是科學精神的根本……」

廣告

問:「就係冇事實基礎先至去懷疑,有懷疑當然要去查證,完全符合科學精神。請問四位你哋當年讀中學有冇上科學堂?」

段二:「大學生雖然已是成年人,具有基本的分析能力,但由於入世未深,缺乏社會經驗,故容易被人煽動或利用,學校有責任引導學生走上正途,以獨立思考明辨是非。」

廣告

問:「其實四位嘅協會入邊都有好多成員係入世未深,缺乏社會經驗而且容易被煽動或利用,你哋會唔會資助佢哋入返學校讀書走返上正途?」

段二:「請問這些學生當中有人向你坦白承認曾經參與暴動或違法行為嗎?……如果有,段校長理應引導違法的學生勇於為自己犯下的過錯承擔法律責任,校方亦應該對違法學生給予最基本給予理所當然的懲處……」

問:「四位聽過無罪推定嗎?一間學校可以憑啲咩去決定一個學生有冇違法呢?如果學生被捕案件進入司法程序,校長引導學生去做任何法律決定,係咪涉嫌妨礙司法公正呢?請問四位是正式受過訓練的警察嗎?」

段三:「敢問段校長明白何謂法治嗎?如果人人都認為自己的個案不會得到公平的處理而要求獲機制以外的方式跟進,尋求可能對己方較有利的結果,此乃人治而非法治。」

問:「四位有冇聽過公平審訊?知唔知點解有啲律師人工高過你?因為佢哋可以代表受害人攞到喺法律上最有利的結果囉。四位又知唔知法治係點嚟?法治就係當人人都發覺人治係唔能夠公平處理司法爭議,所以爭取原有機制以外既方法囉;究竟四位主席知唔知咩叫法治?」

段三:「我們難以理解為何被捕中大學生應該獲得機制以外,有別於其他市民的對待,難道這是中大學生的特權嗎?」

問:「咁你哋同唔同意成立獨立調查委員會,等全香港市民都可以獲得同等嘅對待,消除中大學生嘅特權?」

段四:「這無疑開了一個很壞的先例,其他被捕學生及支持者必然繼續向其他大學校長施壓……段校長明確將政治衝突帶入校園的決定,勢必將……整個教育界推向萬劫不復的境地。」

問:「究竟係邊個衝入校園捉學生?究竟係邊個要求教育局局長優待警員子女?究竟係邊個喺街上面惡意針對每一個後生仔女?究竟係邊個將政治衝突帶入校園?」

段五:「『德薄而位尊,智小而謀大,力小而任重,鮮不及矣。』段崇智校長,請慎之!」

問:「四位係引用呢句經典嘅時候有冇少少面紅?定其實你哋唔知孔子呢句說話係同執政執法嘅當權者講?」

發表意見