立場新聞 Stand News

以恐制亂

2019/10/10 — 17:19

10 月 7 日,馬鞍山新港城中心有防暴警到場,保安曾阻止警員進入,惟警員最後強行推開大門衝入商場,並制服一名男子。(直播影片截圖)

10 月 7 日,馬鞍山新港城中心有防暴警到場,保安曾阻止警員進入,惟警員最後強行推開大門衝入商場,並制服一名男子。(直播影片截圖)

你知唔知新港城保安被起訴阻差辦公最離譜係咩?

係秋後算賬。

如果當時進場嘅警察認為自己執行職務受阻,好自然嘅反應就係即時作出拘捕。

廣告

但好明顯當時無。

當時無論現場警員或者前線指揮官都無認為作為差人,佢地辦公被阻嘅程度足以作出拘捕。而事實上,警察進場後成功拘捕咗一名疑犯(仲搭棵蔥推低一個記者添)。即係話,警員即使受阻,都無阻止到佢完成任務。

廣告

哩次檢控明顯係非現場嘅高層事後提出。如果係認為前線警員需要有更大權力去執行拘捕行動的話,合理嘅做法係指示前線警員及指揮官,下次佢地如果進入商場被拒之後,可以警告對方可能因阻差辦公而被捕,然後在繼續阻擾之後當場拘捕佢地。

如今以秋後算賬嘅方法處理早前行動嘅保安,司馬昭之心路人皆知:

目的係以恐制亂。

需要知道,全香港保安從業員嘅牌其實由警務處長發出,有案底者不能持牌。哩次檢控性質之惡劣絕對係製造一次白色恐怖。

市民如要聲援商場管理方以及保安員等,反而應該在商場以外地方示威,以免為商場方面再帶來壓力。 而保安從業員協會更可考慮聯通物業管理業協會發動杯葛行動,拒絕為所有警方有關的物業,包括警署、警察宿舍、警察會所等提供任何保安及物業管理服務。

不要小看保安從業員協會的力量。香港絕大部份提供物業管理服務的公司同時也提供保安服務。他們聯合杯葛絕對有能力即時癱瘓這些物業的運作。

警隊管理層的無理取鬧,令另一個素來站在大財團以及維穩方一邊的行業走到自己的對立面,完全繼承了林鄭 #WeConnect 的精神。

 

作者 Facebook

發表意見