立場新聞 Stand News

任務:香港人「和你寫」.區議員「和你探」

2019/12/15 — 19:07

立場新聞圖片

立場新聞圖片

由6月12號去到12月12號,我哋呢一場抗爭已經持續六個月嘅時間,我永遠唔會忘記6月12號我喺荔枝角收押所,被囚禁嘅時候,我由朝早七點半開始望住電視直播,見到人群咁樣由金鐘嘅添馬公園湧出去夏愨道,咁樣去佔領唔同嘅街道。

雖然當時我喺監獄裏面,未能夠同大家並肩作戰,但我非常之多謝大家一直以來嘅抗爭,係去證明咗我哋和勇不分
讓我地呢一場運動繼續延續落去。

當我哋有接近100位嘅手足義士,而家還押喺荔枝角收押所,我好希望各位香港人,今個月以及未來嘅日子,能夠擔任「寫信師」嘅角色,去寫信同聖誕卡,俾每一位係監獄嘅手足,讓到佢哋喺監獄服刑嘅時候係冇咁孤單。

廣告

作為三次曾經喺監獄裡面服刑嘅過來人,我好知道收到手足係監獄外面寄來嘅每一封信有幾重要,的確會令到我哋喺監獄裏面即使失去人身自由,每晚就要訓係一啲硬床板上面,係去渡過每一日嘅時候無咁孤單。

除咗係去呼籲大家寫信同聖誕卡俾我哋在囚嘅手足,其實我依家都有份去參與以及協調,鼓勵11月24號大獲全勝嘅388位民主派區議員,喺佢哋2020年1月1日上任嘅時候行駛公務探訪嘅職權,探望我哋喺監獄裏面嘅義士。

廣告

所以我好希望每一位嘅香港人,每一位參與集會嘅手足,去鼓勵你當區嘅民主派區議員,下年一月開始定期去到監獄探監。無論大家寫嘅信以至到議員嘅探望,其實呢一啲長期嘅支援,都係有助我哋嘅抗爭喺2020年延續落去。

=============================
?寫信注意事項?
1. 務必付足郵費
2. 盡量用素色和形狀方正的信紙
3. 如有指定對象,請在信紙上註明手足全名,以茲識別。其他將隨機送到還押手足手上

?請寄至 九龍中央郵政局郵政信箱73962號?
<特別鳴謝信箱由香港眾志借出,注意信封上“不要”註明任何人名,以免被郵局抽起>

作者 Facebook

發表意見