你不如去死好無？

預算案「補漏」，不如掉轉睇。

而家補漏人口多達280萬，以人口734萬計，差不多每三個香港人就「漏」咗一個。

「漏」咗呢280萬人係咩人?

除非你係誠哥，可以自己名下無物業、無收入，又唔使領綜援、生果金(而又死唔去);否則就係收入最少、無樓、又無社會保障嗰批人，即係喺香港最慘嗰批人，俾人「漏」咗。

你不如去死好無?

話要關愛共享然後「漏」最需要你幫個批人，你幾時見有人道過歉?

就有人話，而家補返都好過無，係好過無既。

不過又掉轉睇，呢280萬人補漏，咩都無嘅收4000，本身有又唔夠4000嘅補到夠，加埋使110億。

唔同你計4000蚊等如8個乞兒，睇返舊年10大退差餉業主，加埋退咗1.25億，唔好再話係還富於民，點計都係富者愈富，愈窮愈見鬼。

所以話，不如大鑊飯大家拎個1380億分咗佢，每人都有萬零蚊落袋。

（標題為編輯所擬；原刊於作者 facebook）