立場新聞 Stand News

佢叫港大冠狀病毒喎,建制派出黎反對未?

2020/3/12 — 11:37

作者製圖

作者製圖

係何啟明之流嘅建制派日日話「武漢肺炎」歧視中國,不惜亂嗡「香港沙士」時,我想同大家介紹返呢隻病毒:人類冠狀病毒-HKU1。

2005年,一名剛從深圳來港嘅71歲老人(係呀,冇睇錯,又又又係中國來港),出現肺炎同急性呼吸困難症狀。結果香港大學研究團隊成功係病人身上驗出一隻全新嘅病毒基因,而呢隻病毒最後被命名為Human Coronavirus-HKU1,即係香港大學冠狀病毒嘅意思。

想請求各位愛國愛港建制派人仕,幾時出黎反對呢個命名,指佢歧視港大、歧視香港?

廣告

點解我一個普通醫學生,唔係微生物學專家,會知呢隻病毒嘅存在?因為我地香港大學醫學院一啲都唔會以有呢隻病毒為恥。佢的確係香港嘅病人首先被發現、由港大首先驗出,就算命名為港大病毒亦冇問題,甚至可以自豪地列為醫學院重要研究發現之一,同新嘅同學仔分享。我都係咁樣聽返黎,咁多年黎亦從未見半個港大人走出黎大嗌叫係歧視港大侮辱港大。

會介懷區區「武漢肺炎」一個名,覺得係歧視嘅,就自然係本身身有屎、崩口人忌崩碗嘅人啦。

廣告

(補充:圖中唔係HKU1病毒,係另一種冠狀病毒。)

作者 Facebook

發表意見