立場新聞 Stand News

依家只有警察才可以救香港

2020/1/28 — 12:07

1. 從過往經驗睇,特別係反送中一役,無論你啲人點講,專家點講,商會點講……,林鄭都只會一意孤行,甚至要同你鬥氣,你話唔好佢一定做,你話好佢一定唔做,所以你叫佢封關,佢一定唔會。

2. 林鄭向來視小市民如無物,死兩個當一雙,死百個當一箱,無所謂,最有所謂嘅係佢嘅自我同尊嚴,絕不能認錯、認低威,否則便不是自小以來的精英。

3. 經歷過去七個月,林鄭這種人更易有強烈報復心態,因為佢係一個傳統精英,但過去七個月佢簡直被當成低智、唔係人甚至係妖魔,令佢淪為「十幾分特首」,如此大辱,所有香港市民喺佢眼中都係敵人,特別係向來撐市民嘅醫護人員,睇見你哋惶恐不安又冇佢符,佢好開心,睇見你哋死埋,恐怕佢只會匿埋喺房大笑。

廣告

4. 換言之,呢排幾多個案都好,佢一定唔會封關。

5. 除非,肺炎喺警隊裏爆發!

廣告

6. 此話何解?因為香港人當中,只有警隊唔係佢嘅敵人,而係佢嘅最佳戰友,真正齊上齊落齊仆街,林鄭喺香港嘅管治亦都只剩低三萬警察,佢亦都多次在不同場合讚揚警隊止暴制亂之功,鄧炳強俾人喺區議會質兩句佢就撲出嚟錫返。

7. 所以,要令林鄭肯封關,就只有警隊中爆發肺炎,咁林鄭不能失去佢哋,就會封關。

8. 天將降大任於斯人,警察過去七個月的作為,就係為今日拯救香港準備。三萬警察撐起香港,係真嘅,依家只有你哋可以拯救全港,只要你哋染上肺炎、某間差館某個宿舍大爆發,咁林鄭就會封關救你哋,變相救港。

9. 大家同為香港人,我們天天在此祝願,警察盡快實踐救港之道,感動林鄭,從而拯救全香港,發揮真正的「忠誠勇毅,心繫社會」的承諾。

 

作者 facebook

發表意見