立場新聞 Stand News

做個成熟的香港人,好嗎?

2020/1/12 — 16:19

老老實實,我哋呢種「往自己臉上貼金」嘅壞習慣,真係要改一改。

臺灣人辛辛苦苦建立嘅民主制度,係全球華人世界裡面,歷史最悠久嘅。臺灣人根本就唔需要我哋教佢點樣投票。臺灣有今日嘅勝利,係人哋本事,其實我哋冇功勞㗎。何況,如果要講助選,最有力嘅助選團隊肯定係中共、林鄭同香港警察啦,幾時輪到我地呢。

香港人過去半年嘅抗爭,本來就唔係諗住為台灣人做乜嘢「示範」。起碼犧牲左嘅手足,肯定冇諗過用生命去換取臺灣嘅選舉結果,係咪?所以,「示範」之說,選前用作感性拉票還可以;選後就無謂再提啦,唉。

廣告

再講香港今日搞成咁,除咗中共,香港人自己都有責任。宜家厚著面皮走去向成功捍衛自己家園嘅臺灣人領功(甚至要求回報),未免太肉酸鳥。

唔通醫生唔小心醫死左個病人,會同同事講:「嗱你地睇到啦,唔好咁做呀,我示範一次㗎咋」咁樣樣?

廣告

衷心祝賀臺灣,再向臺灣人講句「多謝」,夠㗎喇。

作者 Facebook

發表意見