假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/7/22 - 14:05

元朗黑夜是人性分水嶺

2019年7月21日夜,元朗

2019年7月21日夜,元朗

( 因為太激氣,唔講咩理論,齋鬧算數)

我成日都講,最近的事唔係支持民主定親中的分別,係正邪人性善惡的分別,今次元朗黑夜更是如此。政府縱容黑社會周街打人,依件事係完全的分水嶺,冇所謂中立。果啲仲係唔出嚟譴責,甚至仲辯護咩示威者違法在先的,我可以好肯定咁講,佢哋係人渣敗類。都唔係,佢哋直頭唔係人。

身邊嘅人,唔多講啦,都廢事睇 whatsapp 繼續收啲唔係人類嘅物體 send msg,就講尋日咩守護香港、支持和平果班人,咩高永文、盧寵茂、石鏡泉、李梓敬、霍啟剛、肥媽之流。依家咁暴力,你譴唔譴責?見唔到譴責的話,人渣敗類無誤。(陳百祥就早已知佢係)

廣告

官商鄉黑勾結,其實大家都知存在,係始終唔願接受已經融合到咁嘅地步,999 唔聽,又落閘放黑。不過睇返警隊公然幾千萬幾千萬咁收錢,或者真係唔應該太意外。仲要成班本身咁 well paid,真係交稅比佢哋嚟糟質自己。

當然仲要鬧七娥。我一早都知佢衰,但都諗唔到佢衰成咁。四屆特首,佢肯定最衰果個,法治、廉潔、社會安寧依啲都唔事必關民主事的價值都徹底破壞埋。一般市民死幾多個都冇所謂,警察同黑社會就唔出賣,當然仲有聽北京話,中聯辦比人丟嘢就譴責,黑社會周街打人就合埋眼睇唔到。

冇人性、善惡不分、禽獸不如的賣港賊,就係依班人,一個一個認住佢哋。

作者Medium