立場新聞 Stand News

「光復香港,時代革命」比「香港獨立」更顛覆?

2020/7/4 — 15:50

立場新聞圖片

立場新聞圖片

某意義上,「光復香港,時代革命」係比「香港獨立」更顛覆。因為香港獨立,其實冇對中共政權有任何說法。但「時代革命」,革邊個命?只能係革中共之命。

革,就係革除,然後有所開拓、傳承。命,就係天命。「維天之命,于穆不已」,講的就係政權、主權。先秦思想雖然政道與治道不分,但對「主權」,仍然係有意識的。天命就係主權、sovereign,至高的權力。所以後來講 popular sovereignty,主權在民,亦可以譯成「天命在民」。共產黨亦明白呢一點,所以國號的確係「中華人民共和國」。但因為係人民民主專政,所以有專政先有人民,結果就係黨竊取咗人民的國,變成「天命在黨」,party sovereignty。

「革命」,如果嚴肅對待,意義就非常深刻。係一個「至高權力」誰屬的問題。而非常有趣,先秦就已經講「天視自我民視,天聽自我民聽」,已透露出「民 = 天」。所以「天命在民」,其實就係一種復歸,restoration,將本來屬於人民的,復歸人民,亦自然係一種光復。

廣告

非常明顯,真正完成的革命,亦必然係人民自身的光復。「光復香港,時代革命」,就係同語重複。一唱一答,一體兩面;作為口號,亦恰如其份。正如「反清」,必然「復明」。能「復明」,必然「反清」。

能夠光復香港,自然要革除竊國者的命。「香港獨立」,係分裂國家,但「光復香港」,就係要共產黨亡黨亡國。

廣告

 

(標題為編輯所擬)

作者 Facebook

發表意見