立場新聞 Stand News

【兩辦治港】港澳辦續轟郭榮鏗 民主派批打破一國兩制 郭榮鏗:如因捍衛法治被 DQ 是一生光榮

2020/4/21 — 18:13

繼本月 13 日後,港澳辦今日再次發文抨擊立法會議員郭榮鏗主持內會時故意拖延,涉嫌公職人員行為失當,又指他蓄意違背誓言「可謂事實清楚,鐵證如山」;郭榮鏗回應指,近日發生的事反映北京要採取全面管治權,及將一國兩制徹底打破,相信自己會被 DQ,但不會後悔,如為捍衛法治被 DQ 「係一生嘅光榮。」

郭榮鏗指,強調自己是依議事規則行事,若議員內按議事規則行駛職務都被指違反誓言,「立法會再唔係基本法所講嘅立法會,而係變成香港版嘅人大。」他又表示相信自己會被 DQ,但重申自己不會後悔,「如果為香港人爭取民主、自由,捍衛法治,係會被人 DQ 嘅話,呢個係我郭榮鏗,本人一生嘅光榮,絕無遺憾。」

他又表示自己是基督徒,會盡力在神交予他的位置上做到最好,「我一定要做啱,直到最後一秒鐘為止,絕唔會放棄。」他亦寄語香港人「係最後一道防線」,「香港人千祈唔好放棄,如果放棄嘅話,我哋就會輸,所以香港人,加油。」

廣告

在席的民主派議員輕拍郭榮鏗肩頭,並一同高呼「香港人,加油!」毛孟靜一度落淚離席。

有記者問郭榮鏗,會否為拖延內務委員會主席選舉而道歉,部分議員不滿,莫乃光反問「你係唔係香港人?」郭家麒亦要求該記者交代來自那間傳媒機構,郭榮鏗重申解決內會死結不是靠中央出手,而是要靠議員的集體智慧,強調自己一直按議事規則辦事。

廣告

至於今日盛傳政府將有重大人事變動,包括政制及內地事務局局長聶德權將調任公務員事務局局長,民主派會議召集人陳淑莊指,不清楚政府內部與中央達成了甚麼協議,不過一定是經中央點頭,「去到底,又係話畀大家聽,邊個做局長又唔係我哋內地事務囉。」

她又指,不排除聶德權的調任,與今年 9 月的立法會選舉有關,可能會有不同的安排,甚至為大手 DQ 候選人「換一個高手」,依據近日的事態發展,她相信今屆將有大量候選人被 DQ。

至於其他盛傳會調任的官員,陳淑莊相信不是為反送中運動或疫情有任何問責意味,「點解要轉,絕對唔係香港人有得選擇,有得揀嘅話,第一個要走嘅就係林鄭。」

發表意見