其實我哋輸到 X 街

【文：當喪失是得著】

情緒主導嘅社會運動注定失敗，只有全民覺醒先有辦法抗爭到底。 

警暴氾濫令抗爭側重晒係警暴，再冇乜人重視輸出抗爭正當性，於是稀釋咗我哋願景、訴求嘅重要性。 呢樣嘢正正係中共港共想見到；製造警民衝突、民鬥民，最後將所有責任推卸落 Condom 仔度。運動隨之完結，無人再理法治、政制嘅崩壞。 

當你嗌緊光復香港時代革命時候，有邊樣嘢要爭取（光復），有邊樣嘢要變革（革命）？ 

係人心，係政制，係法治。

 政治上，香港資源應該係主要服務香港人；單程證，黑警 OT，周街金鋪藥房要大改。（下刪一萬字）

體制上，法治要做到司法獨立不偏不倚。參與政治事務，應該人人平等，由真雙普選實踐政治平等。 

於是認清楚目標，就要 Take Action，話俾人知你嘅願景、訴求其實係同佢哋相連。 

勇武已經犧牲咗好多，和理非可唔可以走多步，令勇武嘅犧牲變得有價值？

1.1 遊行，入工會搞三罷，希望大家參與之餘可以叫埋身邊人一齊同行 

未覺醒嘅，比啲耐性說服未出力嘅，帶埋佢一齊參與，解釋工會、三罷有咩用 多啲思考，究竟你光復、革緊啲咩，再將你嘅理念宣揚出去，令其他人都成為同路人。

PS: 大量被捕、受傷其實只係換嚟區選少少資源，希望大家利用區議會作為平台，實踐你嘅變革、願景，光復香港時代革命唔再係一個口號咁簡單。

原文在此