何桂藍

何桂藍

前《立場新聞》記者、英國廣播公司(BBC)多媒體記者。「若不在香港自由,則自由又有何義。」Facebook:https://www.fb.com/gwynethhokl

2020/5/25 - 16:17

其實警察更著緊「畫面靚唔靚」

5 月 24 日,港島區有大批市民上街反對訂立「港版國安法」。

5 月 24 日,港島區有大批市民上街反對訂立「港版國安法」。

1. 今日(24 日)有好多「送頭」的討論,會不會是因為今日冇特別誇張的警暴、衝突畫面?大家觀感上就覺得好似冇咩特別事發生過,但就好多人被捕咁。

2. 全日,警察的行動都頗為克制:水砲車冇乜點射,TG 只係放咗幾吓,反而大量使用胡椒球槍同胡椒噴霧。畫面上,除咗《立場》記者(幾乎是)冒死拍到海港城拘捕人疊人的情況,可謂是較少警暴畫面,大部份廣傳的都是被捕者「認人」相。

廣告

3. 警方今日行動的目的,以打散群眾為主。下午一點、即遊行原定開始的時間,就開始驅散,水砲車亦一早到場。成條軒尼詩道滿人,佢就喺幾個節點將人群切開,之間較難通行,咁就好難聚到人。群眾分咗天后、銅記、灣仔幾個大塊,但每一次衝警盃,人數都會減少一大批,聚唔返。港島嘅警察歎慢板,唔會特別追住啲人,但係另一邊廂,九龍新界就狂 set road block,尖沙咀、旺角瘋狂 SS,防止聚集出現。

4. 沒有警暴場面,係咪等於警察冇郁手?唔係。警察而家係會逼在場市民刪相刪片。時代廣場停車場口、被捕者的血漬亦大灘得可怕,但受傷的過程、被制服後的情況,當然不會讓記者拍攝到。記者只能影被捕人士被帶上警車或者影血漬,想影真正的警暴畫面?一嘢抱住掟開你啊。

5 月 24 日晚上,銅鑼灣有市民遭警察的胡椒球槍射中,經急救後被警察帶走,現場遺下血跡。

5 月 24 日晚上,銅鑼灣有市民遭警察的胡椒球槍射中,經急救後被警察帶走,現場遺下血跡。

5. 係因為佢哋這種有意識的輿論控制,警察偷水先會變到是日最 viral 的新聞。但其實最緊要的應該是,中午 12-1 的時候,成條怡和街-軒尼詩道係塞滿哂人,可能有數萬之眾。即係,喺冇不反、限聚令、明知行個街都有可能被捕、國安法即將降臨之下,仍有咁多香港人毋懼秋後同警暴,走上街頭;另一邊廂,雖然以萬計的人數,被打散得好快,但亦有好多堅持嘅人,鵝頸橋就由 12 點到 9 點,驅散完又聚、驅散完又聚,一直有人留喺度隨時補返個 RB。

有朋友會問,畫面靚,有咩用?咁,其實舊年,部份都係靠 13 萬、然後一百萬咁樣嘅畫面,去為下一個行動集氣。始終隔咗咁耐冇行街,大家都唔知道,究竟仲有幾多人願意出嚟;今日因為擔心風險而冇出嚟嘅人,見到成條怡和街塞爆,知道有咁多香港人真係唔 L 驚,會唔會有更大信心,下次都出嚟?

民氣係醞釀當中,呢個亦都係警察最想打散、最唔想外界見到的畫面。

6. 過去幾個月警方以瘋狂 SS 作為手段,拘捕任何行囊中有裝的青年,並阻止人群聚集;今日所見,現場有不少帶裝勇武,甚至有零星火魔出現。只能話,人多,最緊要是人多。如果可以重現以往地鐵站倒水咁倒和理非出來的場面,多到佢搞唔掂,就不用擔心勇武帶裝會否被截變送頭。

當然搭黨鐵會是一個心理關口……

7. 現場有不少人叫「527」、「政總見」。在此之前,行有餘力的朋友,我們繼續打好地面宣傳戰。

 

作者 Facebook