人在中環 - CK

人在中環 - CK

我係一隻又笨又固執嘅豺狼。著有《人在中年》。

2019/8/23 - 23:26

其實香港已經變咗好耐

從六月到現在,聽見好多朋友話心痛。心痛香港做乜變成咁。

其實香港,應該係變咗好耐了。呢兩個月所發生嘅事,只係將長久已來嘅腐爛,赤裸地呈現喺大家嘅眼前。你之前望唔見裡面嘅腐爛,並唔代表個生果係新鮮嘅。

冇人喜歡催淚彈,冇人喜歡警隊濫暴,更加冇人喜歡白色恐怖。只係以前好多香港人天真地以為,自己離開呢啲可怕嘅事情還有一大段距離,但 2019 年嘅夏天話俾大家聽,我哋根本就係活喺呢一個恐怖世界裡面。分別只係當權嘅一群人,從前選擇用慢火將你慢慢煲熟,現在卻會相對放縱地用猛一點嘅火落鑊咁解,邪惡本質其實始終如一。Welcome to the real world.

廣告

我估,再猛啲嘅火,還會陸續有來。這個夏天,應該讓香港人對自己嘅處境更加認識,代價當然沉重,但這個認知,我覺得其實係重要的。97 之後,香港人對自己嘅處境一直錯判,以為政府多少還會聽聽民意,還會稍稍俾面這個城市嘅人,道德上也總會有點底線吧?現在我們都應該知道,這二十幾年,大家都活在這個美麗的誤會裡面。今日我們看見了真相,其實是件好事。雖然遲了一點,但也總算是個進步吧。

有人總能先知先覺,但後知後覺嘅人其實先係大多數。當然還有些人是從來都沒有感覺,直至被宰殺的一刻。

 

(標題為編輯所擬)

作者 Facebook