假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/7/14 - 18:32

再看初選的求變和年輕化

作者製表

作者製表

昨日因為夜深,冇再分析落去,今日再整多個表做比較。可以睇到現任民主派議員中,舊民主派佔 14,抗爭派 + 本土派只有 2 或 3 人(唔知鄭松泰算邊樣好),但今次初選結果,頭 26 名只有 9 人係舊民主派,抗爭派 + 本土派佔絕大多數,就算有網民要求加返涂謹申、胡志偉、快必、范國威,對民主派內部結構劇變依個大勢都係影響不大。

有網民好仔細分析得票,我都整咗個 excel 表,但諗落始終初選投票人數有限,結構亦肯定會同正選有唔同,所以我就唔研究太多了。配票甚麼的等 DQ 同 plan B 同有正式鍾氏民調再講啦。

仲有多樣資料提供,就係我噚日都講過的年輕化。我在表上加埋年齡後(按維基 / 過往參選時申報推算),計出現任議員平均年齡 50.2 歲,出線者平均年齡 34.1 歲,細咗足足 16 年,港島區 4 個出線者平均年齡更只有 29.75 歲!就算加上涂謹申 57、胡志偉 57、快必 48、范國威 53,都只係平均 36.8 歲。民主派支持者的求變之心,比新人特別係年輕人機會,好明顯了。

廣告

 

作者 Medium