立場新聞 Stand News

初選要發聲,團結人人有責

2020/7/10 — 11:02

立場新聞圖片

立場新聞圖片

作為普通人,我們埋怨非建制一盤散沙久矣。週末終於有一個團結嘅初選,你我豈能不投票?誰知這會否是最後一次用投票發聲的機會?

龍門冰室老闆宣布退出黃色經濟圈,不久其廚師遭爆樽仆頭。學生跪地求考評局不要取消歴史試題,遭到漠視。傳道人跪地求持槍警「唔好」,遭一腳踢開。沉默丶求饒,換來得寸進尺。要發聲!

政府話初選有可能犯國安法,你怕嗎?但另一邊廂只是警告借場投票的區議員有可能扣薪金津貼,喂唔係應該至少恐嚇坐三年監?國安法喎。至於有某個非建制嘅議員竟然附和政府,話因爲初選有參選人乃港獨人士,仲話選民都有犯法風險。第一,有邊個參選人自稱港獨?第二,我投邊個你又會知?話唔定我投白票反對初選添。有這些恐嚇,更反映初選做對了,國際亦會關注初選人數,更不話下。如果你自己投票發聲都唔敢,外國又點為香港民主和人權發聲?

廣告

同一道理,有民主派參選人話可能簽「支持」國安法確認書(又或聲稱未決定丶要睇民意),外國又點為香港發聲?我地要用初選話俾全世界知,我地唔要這種參選人!怕被人當唔擁護基本法而 DQ?別忘了,林鄭自己都講過擁護基本法唔等於條條支持,更何況立法會有職權修改基本法!夠唔夠票通過係另一回事。團結一齊唔簽支持國安法確認書,政府一係唔 DQ,一係 DQ 哂!大事大非,怯就輸一世!

初選票站位置及投票前須知

廣告

初選眾籌

聯署懲罰不守初選規矩的政客

發表意見