立場新聞 Stand News

利用

2019/11/24 — 19:26

作者攝於荃灣楊屋道

作者攝於荃灣楊屋道

【文、攝影:Dominic Chiu】

呢場運動聽得最多人講嘅,就係示威者俾人利用。

其實我係完全同意。

廣告

只要你係社會嘅一份子,你就某程度上俾人利用緊,問題利用緊你嘅係一個人一間公司定係一個體制而已。你平時覺得冇問題嘅原因,歸根究底係因為你對於呢個被利用嘅關係感到滿意,因為你從中攞到你要嘅嘢。

我明點解有人會唔了解呢次運動當中示威者嘅出發點,覺得佢哋係收咗錢。因為有部份人一生都認為,金錢穩定係唯一一個可以令自己甘於被利用嘅動機,任何單純為理念而作出嘅行為都係 irrational,唔符合佢哋一直以嚟嘅邏輯。

廣告

我呢度唔係話理念定係金錢穩定邊個好啲,每個人着眼嘅嘢唔同。我呢度想講嘅係,等於我理解一啲人會以金錢穩定作為一個 drive,咁你嘅行為就會解釋到:例如點解你會覺得阻住你返工係一件大事。

同樣道理,你要理解示威者點解作出呢個行為,你要明白佢哋嗰 drive 係咩。兩者我都唔會話你哋俾人利用,因為每個人都只係為自己嘅需要,而作出相應嘅行為而己。

引用自己當年大學讀 Adam Smith,到而家都仍然記憶好深嘅一句說話:“It is not from the benevolence of the butcher, the brewer, or the baker that we expect our dinner, but from their regard to their own interest.”

解釋一個行為,要明白背後個 own interest。你可以話一個人諗得唔夠全面,但唔好隨便話人哋俾人利用 — 因為我哋每一個人,某程度上都係利用緊某啲嘢,或者俾某啲嘢利用緊。

天佑香港。

 

作者 Facebook / Instagram

發表意見