立場新聞 Stand News

到底香港有無三權分立?

2020/9/15 — 10:54

上月有不同出版社推出,參與「高中通識教科書專業諮詢服務」後嘅通識教科書新修訂版,當中部份教材發現有關香港三權分立嘅內容被刪減,其後引起社會關注。教育局局長楊潤雄回應指,香港係無三權分立,強調事實必須清楚喺教科書中講出來。特首林鄭月娥對說法支持,並認為三權關係各自分工,最終亦要透過行政長官向中央人民政府負責。但有不同學者對三權分立嘅睇法略有不同,認為三權分立係指一個制度下權力嘅分布同制衡,而非中港兩地嘅權力分布。一直以來都有不少政府文件、教科書都顯示香港與三權分立嘅情況。究竟「修正」點解會「突如其來」?由回歸前至今,「三權」有何變化?爭議中提及嘅「行政主導」與「三權分立」有何矛盾?

2020年9月12日香港電台第一台 - 政壇新秀訓練班《第七十五集》邀請到香港伍倫貢學院社會科學院講師 — 黃志偉先生同我地分享與討論:三權分立,期間亦有政壇新秀們就主題向嘉賓嘅提問~~

多間出版社參與教育局嘅高中通識教科書專業諮詢服務,並於上月正式推出通識教科書新修訂版。當中部份教材被人發現有關香港三權分立嘅內容被刪減,於是引起新一輪相關爭議。

廣告

教育局局長楊潤雄回應指,香港係無三權分立,強調事實必須清楚喺教科書中講出來。及後亦表示社會上對三權分立並未有共識,所以唔適合放喺教科書入面。特首林鄭月娥對說法支持,認為三權關係各司其職,可以互相配合,亦可以互相制衡、各自分工,但最終三個機關要透過行政長官向中央人民政府負責。

港澳辦發聲明,贊同林鄭月娥的表態,及指三權分立喺香港從未存在過。而中聯辦則指香港政治體制可概括為三權分置、行政主導、司法獨立,基本法中不存在灰色地帶。全國港澳研究會副會長劉兆佳亦形容,香港嘅政治體制不論回歸前後,都可以描述為「行政主導」。

廣告

港大法律學院公法講座教授陳文敏認為,三權分立係指一個制度下權力嘅分布同制衡,唔係指內地同香港兩個制度之間嘅權力分布,認為特首有所誤解。

港府喺97年印製回歸典禮嘅新聞資料中,有關政府體制章節顯示,香港嘅政治制度係按照三權分立原則建立,有一個行政主導嘅政府。三權分立係指行政、立法和司法機關各自獨立運作。香港伍倫貢學院社會科學院講師黃志偉表示,有關講法有參考價值,並認為,突然講香港無三權分立,係來得好古怪 ,需要擺事實、講證據,然後再睇新說法是否成立。

到底香港有無三權分立?由回歸前到現時,三個機關嘅關係何變化?

我地有請黃志偉!

發表意見