立場新聞 Stand News

制裁黑警,制裁埋黑警後路

2020/5/18 — 16:57

民主派 35+ 目標若果達成,第一件事,就所有今日聽聽話話嘅保安,特別係有警察背景嘅,炒哂佢!禁止擔任立法會保安任何職位。連掃地都唔會請你地。《僱傭條例》即時解僱,一蚊都唔賠,有爭議就上勞審見,等佢哋享受下香港先進法治勞審制度。

屈手、壓頸呢啲毒辣招數,係黑警慣常對付示威者嘅暴力手段。今日我地見到立法會保安,用同一種手段對付民選議員,任何一個香港人被施暴,即係香港所有人被施暴,更何況,今日遭到施暴嘅,係數以萬計、數十幾萬計嘅民意代表?

任由前警員擔任保安,等於軍管立法會。依班人,做警察嘅時候,唔會遵守警例,做立法會保安,就更加唔會「守規矩」。容讓黑警喺立法會保安體制中出現,即係等於縱容黑警維持秩序為名,打壓民選議員為實。

廣告

立法會招聘保安守則入面,講明有三年紀律部隊經驗、中五或同等學歷就得,即係速龍響條街施暴三年,就可以入立法會繼續施暴。35+ 並唔係一個容易達成嘅目標,但入到去,一定要用盡所有手段斷黑警後路。

作者製圖(圖片素材來源:立場新聞、香港獨立媒體)

作者製圖(圖片素材來源:立場新聞、香港獨立媒體)

廣告

 

#內會 #李慧琼非法主席

作者 Facebook

發表意見