立場新聞 Stand News

前《立場》記者何桂藍:警方永遠無法重寫 7.21 的真相 若講真相違法可隨時拘捕我

2020/8/26 — 21:42

何桂藍

何桂藍

民主黨兩名立法會議員林卓廷、許智峯等 16 人今日被捕,其中 13 人被指涉及去年元朗 721 事件。新界北總區刑事總部高級警司陳天柱今日形容 7.21 事件為「兩派人士的衝突」,指有「黃背心女子行出閘外被襲擊,情況急劇惡化」,又批評現場記者直播只影單一邊,且旁述「令人誤會呢一個係所謂無差別襲擊」。

721 當日在元朗現場直播,並在採訪期間遇襲的前《立場新聞》記者何桂藍,今日晚上回應事件,強調當日直播前已有市民被打至頭破血流,直播期間亦有拍攝各方人士,「唯一影唔到,就係唔喺現場嘅警方。」她又指,真相不容警方歪曲,警方亦永遠無法重寫 7.21 的真相,「如果講出真相,喺政權下係犯罪的話,警察隨時都可以來拉我。」

廣告

何桂藍:直播前已有人遇襲

何桂藍今日晚上回應事件,指當日在元朗寓所中得悉有人被打到滿身藤條痕跡,及後離家欲前往上環與同事交更,惟路經元朗站時,聽到東邊收費區女廁內有一名傷者,被白衣人打傷頭部,「當時作為記者,入咗收費區女廁採訪呢位傷者」。她續指,在採訪途中聽到女廁外非常大聲,出去已看一遍混亂,在收費區外看到有白衣人拿著發泡膠板、帶有中國國旗既的藤條、木棍等,向閘內的人士施襲。

廣告

她形容,當時情況非常危險,不少人無法離開收費區,及後有白衣人往元朗站西邊出口前往,自己因擔心西邊有市民,「作為記者我希望監察有冇其他市民遇襲,所以我選擇拍卡出閘,同白衣人保持一段距離,跟住佢咃。」她稱當時自己有穿著黃色記者背心及帶著記者證,惟之後突然有白衣人轉身向她施襲。

指閘內人士被包圍無法離開

對於警方指因有人聚集激化事態,釀成不愉快事件。何桂藍強調,當日 10 時前在元朗雞地已有人遇襲,且她到場時已有傷者被打至頭破血流,「警方所講兩邊人士聚集,一群係閘入面,一群係閘出面,而閘入面嘅人,根中被包圍情況下冇辦法離開閘外。」

警方今日稱事件並非無差別襲擊,何桂藍稱「當日發生嘅事係唔係暴動,定係無差別恐襲,呢一個係公論。」她相信,當日任何一個有注意新聞的人士,也可以清晰得出結論事件是無差別恐襲,「呢一樣嘢唔係任何人可以誤導得到,亦都唔係任何人可以抹殺得到。」

何:唯一影唔到,就係唔喺現場嘅警方

另外,警方亦不具名提到有穿著黃色背心的女子在拍攝時出閘令事件激化,及指有傳媒只影單一邊令事件誤解。何桂藍認為,警方提到的有關人士均是指她本人,但她指在長達一小時的直播中,「我當日來到(元朗站)之後,無論係東邊定西邊收費區、月台、每個出口我幾乎行勻晒。喺我鏡頭入面,無論係白衣人,定係黑衣人、市民我都影到,唯一影唔到,就係唔喺現場嘅警方。」她補充,當時有拍攝白衣人、市民、孕婦、小朋友,呼籲市民可在網上重看片段。

何桂藍提到,由今年年初開始,無論是前警察公共關係科高級警司江永祥、警務處處長鄧炳強等,多次嘗試歪曲 7.21 的現實,「但係好對唔住,香港警察你哋明知道元朗居民 7.21 之前幾日,收到 Whatsapp 叫人唔好去雞地,而你哋選擇唔處理個一刻開始;由你哋有同事混入白衣人入面,你唔去處理個刻開始;由市民報警你落閘個刻開始,就已經注定,你永遠無法重寫 7.21 嘅真相。」她指即使警方封閉整個網絡,該直播片段永遠不會消失,即使拘捕所有事件中受害的市民,真相亦不容警方歪曲。

記者會期間大批警戒備、「大波Man」踩場

被問及會否擔心因 7.21 事件被警方拘捕。何桂藍指,當日自己只是一個寂寂無名的記者,當時因看到有傷者所以直播,但由於認為記者不應該成為新聞主角,因此一直沒有公開討論這件事,「但係我而家見到,整個特區政府系統、整個警隊、以至中共官媒、黨媒,佢哋點樣不斷放大保家衛國版本,不斷去將當日出現喺現場嘅香港人抹黑成暴徒。作為其中一個非常罕有,有名有姓,當日亦都係現場見證者,我認為我有責任講出真相。如果講出真相,喺政權下係犯罪的話,警察隨時都可以來拉我。」

何桂藍在發言期間,警方在何附近一直戒備,亦多次以揚聲器呼籲記者以外的市民立即離開,指他們有機會違反限聚令。另外在何桂藍接受採訪前,人稱「大波Man」的建制派人士石房有到場用手機直播,並與現場人士對罵,需由在場警員將他們分隔。

發表意見