立場新聞 Stand News

劉頴匡國安法還押 女友接警署來電指應報到 警:佢還押緊?係咩事㗎?

2021/3/21 — 1:25

劉頴匡(資料圖片)

劉頴匡(資料圖片)

47 名參與或組織初選的民主派人士早前被控「串謀顛覆國家政權」,其中 36 人不獲保釋,包括已解散的民間集會團隊發言人劉頴匡。劉頴匡女友黃于喬(Emilia)於 facebook 貼出一段電話對話片段,指屯門警署來電找劉頴匡,說他應該到警署報到,當黃于喬解釋劉頴匡因涉國安法被還押,對方才恍然大悟。「哦,咁樣嘅,得唔緊要」。

劉頴匡女友黃于喬昨晚於 Facebook 專頁貼出一段電話對話的影片指:「有時真係唔知講乜好...啱啱(夜晚 10:20) 收到屯門警署打來嘅電話,係搵劉頴匡嘅....問佢今日點解無去警署報到...」影片中,電話另一方指劉頴匡當天應該要到警署報到,黃于喬表示劉正在還押中,對方反問「佢還押緊?係咩事㗎?」黃于喬解釋「佢國安法畀人還押緊」,對方才恍然大悟回應「哦,咁樣嘅,得唔緊要,得唔緊要」,然後著黃于喬留下姓氏和聯絡電話,以作記錄。

據電話來電顯示,該電話為屯門分區警署報案室電話號碼。

廣告

劉頴匡另涉 19 年 7 月 1 日闖立會案,他被控暴動罪及「進入或逗留在會議廳範圍」,案件押後至 3 月 26 日轉介至區域法院再訊。另外,已解散的民間集會團隊,去年 1 月 19 日於遮打花園舉行「天下制裁」集會,當時任團隊發言人的劉頴匡被控「煽惑他人參與非法集結」及「拒絕服從警務人員命令」兩罪,案件押後至 4 月 29 日再訊。

廣告

發表意見