假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/6/12 - 15:34

勿讓年輕人孤單,各年齡層團結,they can’t kill us all

因為「暴徒」多係年輕人,警方就可以任意搜全港年輕人身。咁如果話「暴徒」都係香港人,豈非警方可以任意搜全港市民身?

請大家認清,當政府和警方濫權,受害的不單是年輕人,係所有年齡層的全港市民,我哋冇理由只讓年輕人孤單對抗這個胡作非為的政府,年輕人需要大家支持。唔需要使用武力,站出來,站在一起,好似遊行時咁,就夠了。

親中派和五毛經常話多數人支持政府,只係少數被誤導的年輕人反對,百萬人遊行已經粉碎依個謊言。大家唔好再被假 account 分心,要相信大多數市民係同自己一樣。有咗信心,大家就可以站得更前,站得跟年輕人一樣前。

廣告

依個亦係為咗比前線警員一個明確訊息:依家站在你們對立面的唔係所謂少數被誤導的年輕人,係全港市民。與社會主流為敵的,唔係年輕人,係你哋警方。應該保護市民嘅你哋前線警員,真係要為咗班謀住做人大政協的警隊高層、自大狂特首、帶頭犯法律政司、英國國籍立法會主席(下刪 N 個例子)……與市民為敵?後生仔你哋扑得頭破血流咁開心,西裝友中坑你扑唔扑?師奶你扑唔扑?阿婆你扑唔扑?

使用武力、濫用暴力的「暴徒」唔係示威者,係你哋警方。與民為敵的,唔係少數「暴徒」年輕人,係你哋警方。大家要不分年齡,站在一起,比前線警員依個明確訊息。得到腐敗高官、向太同社團人士的稱讚,卻被全港市民同舊朋友舊同學唾棄,值得咩?

我都明有人會話,依家的警察點會聽你動之以情。但就算只有少數生效,阻得一個得一個,少一個警察扑人,就係少一個年輕人受傷。而且講到底,守護香港,大家有責,站出來肯定係冇錯的。請跟年輕人一起,讓大家看到民意支持誰,誰才是與民為敵。

 

作者 Medium