立場新聞 Stand News

區選後,素人之感

2020/3/6 — 12:18

梁國豪

梁國豪

【文:梁國豪(長洲歷來第一個民主派區議員)】

2019 年 11 月 24 日係一個香港制度嘅轉捩點,民主派喺區選大勝,有不少素人都成功當選,我都係其中一位。面對以往由建制派一直壟斷嘅長洲,贏係靠著長洲人想改變嘅心!

作為素人,有好多事情都需要「一腳踢」,幸好長洲有一班肯落手落腳嘅義工。缺乏政黨支持下,啱啱開始都無一個系統去處理問題,好多事都要一步步咁去做。喺不斷改善之後,現時都應付到處理到街坊嘅問題同投訴。 

廣告

我唔入政黨係因為我覺得而家嘅政黨係有問題嘅地方,好多時都顧住維護政黨利益而忽略整個運動大方向嘅政策,所以係呢一刻冇諗過加入任何政黨。雖然會辛苦,但呢一刻我都會堅持我心目中嘅做法。

贏咗區選,會繼續喺呢場運動發揮功用。最近,去咗塘福探已被判刑嘅手足,佢仍然都好關心香港嘅現況,而我都有同佢講解返,佢都有同佢哋講叫大家唔好放棄希望、唔好被狗咬。

廣告

我而家都會每個月都會探訪嗰位手足,同時我地都會支援返嗰位手足嘅家人。

最後,我唔係生神仙,只有盡力做好每一件事。

發表意見