立場新聞 Stand News

千人參與「感謝美國」大遊行 參與者:通過只係第一步 唔代表贏咗

2019/12/1 — 13:49

「香港自治行動」組織舉辦的「感謝美國保護香港大遊行」獲警方發出不反對通知書,中午時分現場有近千人聚集。

「多謝咗先,唔代表贏」

廣告

阿駿在現場畫下集會的場景,畫中有抗爭者揮動美國國旗,對於美國通過香港民主與人權法案,他說,「點都多謝先,但通過同用係兩回事,通過唔代表贏左,要真係用黎制裁香港班高官先有用,通過只係第一步。」

廣告

「有人想領功」

有參與者則表示對集會感到失望,認為有團體借此領功,打算提早離場。林小姐說:「本身係想嚟多謝美國通過香港人權和民主法案,但發現集會都唔係呢回事,呢條法案係香港好多人犧牲,被打、被自殺、打盲眼,用血同命換返嚟,唔係幾個人的功勞。」她又認為,「唔應該只係多謝特朗普,而是感謝參眾兩院,所有支持香港的美國人。」她希望美國作為「世界強國領頭人」,會鼓勵到其他國家制裁中國。

「為下一代的自由出一分力」

胡太帶同兩名子女到場參與集會,並為女兒戴上紙摺的特朗普頭套,她說,「美國通過香港民主及人權法案,希望能起到帶頭作用,令國際都會關注香港,制裁一啲傷害香港價值觀的人,我想行出嚟發聲,而家香港的自由民主被打壓,亦想當局知道,警察濫權濫捕唔係冇後果,希望大家都為下一代的自由出一分力。」

現場不少人揮動美國旗幟,傅先生說,「主要係想多謝美國通過香港民主及人權法案。」他認為,自由民主是國際的標準,希望美國的行動能起帶頭的作用,使其他國家也會支持香港。

遊行於 1 時半開始,將途經金鐘道、花園道、下亞厘畢道遊行到美國駐港總領事館,再由雪廠街、皇后大道中、德輔道中返回遮打花園,預計下午 4 時完結。

 

發表意見