2021.10.6 林鄭月娥

反問記者發牌是否「嚴苛要求」 林鄭拒回應放風 DQ 區議員追薪津是否「假新聞」

新一份施政報告提到要「打擊假新聞」,特首林鄭月娥今日(7 日)出席電台聯播節目時,反問記者發牌是否嚴苛的要求,又指所有專業人士均有考試及發牌,認為發牌可以令採訪更方便。她又指,不了解何處出現傳聞指被取消資格的區議員會追討薪津,「如果你每一日都要不斷去澄清呢啲社會上流傳嘅訊息,根本就係乜嘢都唔洗做。」

對於記者發牌,林鄭月娥稱自己沒有特定看法及立場,但反問「記者發牌係咪一啲咁嚴苛嘅要求呢?」她認為,現時所有專業人士均須考試及發牌,「如果記者有某一種形式嘅登記、註冊,來到去認可佢嘅身份、肯定佢嘅身份,等佢可以喺採訪方面更加方便,你哋會覺得咁不能接受嘅?」

放風 DQ 區議員追薪津是否「假新聞」?   林鄭:不知出處

林鄭月娥指,現時網上言論在香港「真係冇辦法管」,但新加坡則有條例打擊網上發放假消息,又指有其他地方會打擊網上發布仇恨言論,否則便會出現極端恐怖主義,對社會安全是很大警號。

本港早前盛傳被取消資格的區議員會被追討薪津,引發大批區議員辭職。有主持問及為何政府當時不出來澄清,這種並非事實的「放風」亦是否「假新聞」的一種。林鄭月娥則表示「我又唔知道呢個傳聞係出自邊到,我哋每日都有好多叫做傳聞,如果你每一日都要不斷去澄清呢啲社會上流傳嘅訊息,根本就係乜嘢都唔洗做。」

她續指,政府一直以來的說法一致,就是只要宣誓符合法定要求,便可繼續擔任區議員,否則便會即時喪失資格,但至於喪失資格後如何處理金錢方面,她相信民政事務局一直有研究。她又舉例,立法會議員被取消資格,立法會亦要討論一段長時間才得出處理方案。

披露閉門錄音 林鄭:不道德行為

路透社 2019 年取林鄭月娥上周商界人士閉門會面錄音,談及自己引起「不可原諒的混亂(unforgivable havoc)」,令香港陷入政治危機,若然能選擇她會第一時間辭職。林鄭月娥之後回應事件,批評媒體不應報道這種場合的內容,又指有需要就相關情況訂立法律。

林鄭月娥今日再次回應事件,被問及談到訂立的法律是否「假新聞法」,她稱「嗰個唔係假新聞,嗰個係不道德嘅行為,」但至於是訂立甚麼法律則要等待保安局局長與相關部門研究,探討如何取得平衡。

 

編輯推介

    發表意見