反對修訂改議事規則集會　大學生：仲有同路人喺度

11/12　立法會　年輕人

傘運後的活動，多是由年邁的公公婆婆，叔叔嬸嬸支撐。

在反對修訂改議事規則的集會，終於有較多年輕人出來。

＊　＊　＊

李同學（上圖左）　港大政政系公共行政學會

「我地上左學會莊，對政治有一定了解。冇分年紀，大家都要向立法會爭取權益。」

「有啲學生組織唔出嚟，可能佢地覺得老一派有啲食古不化，講完就算，冇乜行動。有時畀人感覺的確係咁，但至少都要出聲。」

「近年政治冷感真係好勁，人數當然唔理想，係有小小失落。但改議事規則真係好大件事，冇可能人數少就唔嚟，更應該參加。」

＊　＊　＊

崔同學（上圖右）　浸大社會系畢業生

「改左議事規則，建制派可以為所欲為，點樣都得。年輕人都知發生咩事，但就係冇動力出嚟。」

「自己當然好灰心，但如果自己都唔出番嚟。。。好老套。。。但我真係咁諗。」

「人真係比想像中少，但要出嚟畀自己知道，仲有同路人喺度。」

作者 facebook；標題為編輯所擬。