2021722

    【反抗運動兩周年】6.12 前夕「開站師」旺角擺站 稱一小時已派 900 張傳單 籲港人打「持久戰」

    明日(12 日)是反抗運動 6.12 兩周年,「開站師」今日(11 日)晚上於旺角天橋開站,派發寫有「留守香港,砥礪前行」的傳單,組織創辦人袁德智形容,2019 年香港人正面衝擊政權、挑戰政府的底線,儘管現時經歷低潮,但「所有嘅抗爭高潮,都係喺社運低潮爆發出來」,形容這場將會是一場持久戰,公民力量終有一日會化成「民主海嘯」。

    晚上約 7 時半,大雨滂沱下,「開站師」於旺角天橋開站,他們指原本預備了近千張傳單,派發一小時後,只剩餘不足 100 張。有成員指,六四過後,市民願意接過單張的意欲有提高。

    成員之一、早前被封殺的中大學生會「朔夜」外務副會長羅子維派發傳單時,向市民高呼「聽日可能冇街站、集會,或者每一個擺街站嘅人都畀人拉哂,但每一個人都可以係抗爭者,都可以提醒身邊嘅人,聽日係反送中兩週年。」

    袁:將對抗爭嘅回憶、苦難 化成原動力前行

    袁德智形容,香港人在 2019 年 6 月 12 日與政權正面衝擊,挑戰它的底線,惟今日情況已不再容許正面衝擊,但強調「唔代表失去力量」,「而係去諗場遊戲要點玩,呢場係一場持久戰。」他續說,必須承認現時是低潮,但「所有嘅抗爭高潮,都係喺社運低潮爆發出來」,「啲人成日話呢兩年差距好遠……(其實依家)公民力量擴大咗好多,抗爭變得好多元化,哪怕好多政治領袖被捕坐監,但都總會有人接力……我哋要化為復流,復流嘅力量可以好龐大,等到有一日會變成『民主海嘯』。」

    他直言,「開站師」成立前,各成員早已有被捕的心理準備,「有十年已經預留咗」,但不代表他們希望入獄,因為「公民力量真係拉一個就少一個」;他又表示,在後國安法時代難免要妥協,須不斷思考抗爭的形式,作為第一批在國安法後「反抗的人」,亦須份外小心,但強調不是退縮。

    袁德智又說,只要港人繼續「sustain」和「expand」,「民意是會爆發」。袁明言,反送中運動已經完結,「唔好再只係回顧場運動,而係將對抗爭嘅回憶同苦難,化為原動力前行。」他們派發的傳單,寫有「以香港為志業」,盼每一個人都能將香港未來與自己的人生規劃契合。他又形容香港人「好聰明」,「唔係下下都要人呼籲,大家呢兩年都成為咗自主行動者,唔好被嚇怕,要變得更加識玩。」

    90 後:明日毋須紀念 因歷史會被篡改

    90 後的劉小姐下班途中接過傳單,她無奈地道「預咗(聽日)唔會好似 2019 年咁……依家政府要打壓、洗腦,坐屋企就最安全,好似大陸咁」,又笑說希望聽日雨勢更大,「淋濕啲警察,等佢哋攞咁多 OT 費嗱。」被問到會如何形容 6.12 兩周年,她卻直言,明天不是一個需要紀念的日子,「因為呢刻歷史唔係由我寫,最後都會被人改咗,好似六四咁。」

    編輯推介

      發表意見