反送中運動一週年 — 兒童繪本《羊村守衛者》
工會煉成陣 — 跨工會專欄2020/6/6 — 10:30
《羊村守衛者》截圖（圖：rainection）
【文：香港言語治療師總工會】
上年嘅 6 月 9 日，一眾香港人為咗反對逃犯條例嘅修訂一齊出咗嚟遊行。當晚發生嘅警暴去到今日依然歷歷在目。三日後嘅 6 月 12 日，相信亦對好多香港人嚟講別具意義。由嗰日開始，催淚彈、胡椒球彈等變成我哋嘅家常便飯。
理事喺工作場所入面接觸唔少年紀較輕嘅學生，留意到好多時都比較難去解釋而家社會上發生緊嘅事。參考其他國家，繪本一向都係向小朋友解釋社會發生嘅一切嘅一個好媒介。本會期望呢本繪本能夠幫助家長同一眾教育工作者，好好同小朋友去談論同解釋香港過往一年嚟面對緊嘅一切苦難，並為香港呢一段仲寫緊、有血有汗嘅歷史作一個記錄。
為捍衛本土語言 — 廣東話同推廣粵語入文，我哋用咗粵語書寫呢本書。
內容撮要：
羊咩咩一直喺羊村落入面過住安穩又平淡嘅生活。
有一日，牧羊人突然離開，隔籬嘅狼村落派咗大灰狼去帶領佢哋。
從此佢哋嘅生活變得唔再一樣：講嘅語言唔同咗、睇嘅書唔同咗、生活習慣唔同咗，生活變得唔再自由。
過咗一段時間，大灰狼宣佈要實施「狼羊規矩」：狼村落入面嘅狼可以隨意去到羊村落嗰度食羊。
羊咩咩們眼見自己嘅屋企將要消失，佢哋又會點做呢？
兒童繪本《羊村守衛者》
文：香港言語治療師總工會
圖：rainection親子共讀：4-7 歲
自己閱讀：7 歲以上實體版喺以下黃店有得攞啦！（名單會持續更新）
銅鑼灣：Peek-A-Poke
旺角：OTTO Optic 傲瞳視力、Hair Guys Salon、阿木台灣麵、大勝丼 Daikatsu Don、Freeland 自家搭配情侣装實體店 日韓服裝店
屯門：東屋台 Dan Yatai理事亦預留咗少量繪本畀有需要嘅會員，歡迎聯絡理事攞返本。
