立場新聞 Stand News

只准黑警鬧黑記,不容老師斥警非?

2019/12/7 — 14:59

譚耀宗、葛珮帆、蔣麗芸(圖片來源:民建聯 Facebook)

譚耀宗、葛珮帆、蔣麗芸(圖片來源:民建聯 Facebook)

「立法會教育事務委員會,今早(6 日)通過由民建聯葛珮帆等提出的無約束力議案,要求教育局嚴肅追究發放煽動仇恨言論,或慫恿學生參與非法集會的教師,並將交由教育局跟進……該無約束力議案最終在 17 票贊成及 12 票反對下獲通過。」—《立場新聞》12 月 6 日報道

而家香港係政治出咗問題,你班建制派議員唔去追究攪政治班官員,走去批鬥做教育嘅老師?

咩叫做仇恨言論?作為一個老師、作為一個人,我尊重依照法例同警例執法嘅警員;但係我想問吓:喺香港做老師有冇權憎恨一個犯法嘅警察(我稱之為黑警)?基本法下有邊條條例唔俾香港人憎恨一個人?「仇恨」同「憎恨」喺法律上又點區分?

廣告

有關教學上,我又想問吓:

我教學生四字詞語「嫉惡如仇」算唔算係煽動仇恨?教四字詞「官逼民反」、教荀子名句「水能載舟亦能覆舟」又算唔算「慫恿違法行為」?我同學生講「周武王伐紂」、「陳勝吳廣揭竿起義反暴秦」、「國父孫中山攪辛亥革命推翻腐敗嘅滿清政府」、「毛澤東堅持階級鬥爭」嘅歷史故事、甚至做一套以上故事內容嘅中國歷史話劇,又算唔算係「慫恿學生參與非法集會或街頭暴力事件」?

廣告

我絕對認同,老師唔可以鼓勵學生參與任何非法活動。而係咪犯法,有條清晰嘅界線;問題係,咩叫做「散播仇恨言論」?咩為之「慫恿」?條界線喺邊?

都未同你計,有警察喺執勤期間鬧記者為「黑記」,又算唔算係「仇恨言論」?

只准黑警鬧黑記,
不容老師斥警非?

各位教育界嘅同事,覆巢之下無完卵,你哋仲要忍氣吞聲到幾時?

各位香港人,你哋仲要容忍呢班不學無術嘅垃圾到幾時?

葛珮帆!夠薑你就第一個批鬥我!

發表意見