立場新聞 Stand News

「呀!搭巴士!」 九巴抽水扮肥媽 歌詞勁唔啱音

2019/9/17 — 21:34

熱愛去大灣區食魚生、曾主持撐警集會的藝人肥媽,近期成為網民惡搞目標。網民製作的《肥媽有話兒》已經成為反送中運動主題曲之一,「又唔做嘢又唔讀書」更響遍抗爭現場。今日九巴亦加入抽水行列,在 FB 發布一張肥媽版「九巴仔」,高唱「呀!搭巴士!」,不過歌詞就似乎不太啱音。

今年7月肥媽有份主持「守護香港」撐警集會,並在添馬公園怒轟部分立法會議員「唔好害人哋啲仔女啦」,中氣十足卻惹來網民惡搞,其言論被改編剪輯成批判警察的《肥媽有話兒》,歌曲在網上爆紅。

不過《頭條日報》昨日引述肥媽回應稱,因為丈夫病重,加上與家人政見不同而經常「炒大鑊」,近日一度情緒失控甚至撼頭埋牆。正所謂「我無罪㗎!點解要搞我呢?」,無論肥媽撐警與否,大家惡搞抽水都最好都留一線。

廣告

廣告

發表意見