立場新聞 Stand News

唔好叫人小心

2020/8/12 — 16:12

西遊記之月光寶盒

西遊記之月光寶盒

【文 :  李飛】

某裁判官釋放良民痛斥警謊,網民說:「你要小心。」某記者如實報導新聞,讀者説:「你要小心。」某議員候選人成功出閘,選民說:「你要小心。」某黃色餐廳有客人排長龍幫襯,路人說:「你要小心。」 某抗爭者繼續上街表示訴求, 旁觀者說:「你要小心。」

小心啲乜? 人地做緊野,但佢哋無時無刻將恐懼作首位。黑社會重未出聲,佢哋就自己企出嚟做代表,撳住你隻手,用啲負面情緒去影響你。不知不覺間 ,其實佢哋係被動式的加持了敵人對我方的恐嚇。係好心做壞事。

廣告

好似孫悟空收服咗個白骨精,唐三藏就大嗌:「你要小心」。好煩!

其實這些裁判官、記者、議員候選人、抗爭者和黃色店主,都係有智慧、有良心、有勇氣、有承擔的人, 佢哋有所謂而為,保存俗世一股清流, 你估佢哋唔知道行正義可以招惹危險?而我哋可以畀番佢哋啲乜嘢? 畀恐嚇佢哋?

廣告

我對呢班英雄就會話:「好嘢!我支持你!」 

如果我能力到位的話, 我就會飛身上前, 幫英雄檔流彈。 我仲會為佢哋作歌寫史, 讓這種偉大精神繼續存留下去。
寄語呢班網民、讀者、選民、路人、旁觀者: 唔好驚。不要潑冷水,要畀多些讚。

今日就試下。
 

發表意見