立場新聞 Stand News

回顧反送中以來工作 鄧炳強稱正面看待 「可能係時代選擇咗我」

2020/3/7 — 11:37

圖片素材來源:商台片段截圖

圖片素材來源:商台片段截圖

警務處處長鄧炳強今早上電台節目,總結警隊反送中運動以來的工作。鄧炳強認為去年以來發生的事,是他成為警察以來,甚至是 1967 年暴動以來都從未遇過。他指自己以正面態度面對,「能夠遇到呢啲事,可能係時代選擇咗我啦」。

鄧炳強說,絕對尊重市民和平表達意見的自由,但界線只有一個,就是不能夠犯法,否則警察就會拘捕。他並且說,擔憂年輕人出現「不守法意識」的情況,社會上亦有人包庇、不譴責犯法行為,認為需要正視。

稱「絕對尊重」和平表達意見自由

廣告

鄧炳強在商台節目《政經星期六》評價自己的工作,他認為「過去一年係從未發生過。不只是我的警察生涯,我相信在近代,67 年暴動之後都冇發生過咁的情況。正面咁去睇,能夠遇到呢啲事,可能係時代選擇咗我啦。能夠面對呢啲挑戰,正面咁去睇,都係一個好的經驗。」

鄧炳強又說,面對社會上不同持份者的訴求,首先會做好警隊內部的訓練:「日常方面各個指揮官都會講返俾前線同事聽,我哋係絕對尊重新聞自由,絕對尊重市民和平表達意見的自由,但我哋的界線只有一個,就係千祈唔好犯法,千祈唔好用暴力,你用暴力犯法,我就會拉你。」

廣告

擔心「不守法意識」漸長

對於市民犯法,鄧炳強表示特別擔憂社會上出現「不守法意識」的情況:「我哋發覺好多年輕人,可能有個諗法覺得,最緊要係我做嘅嘢係啱嘅,犯法無問題的,縱火,放火係啱嘅,就算用磚頭掟死人,汽油點火都係啱,我係好擔憂。另外,社會上對這些年輕人或暴徒犯下的暴行,都不會譴責,會包庇甚至英雄化浪漫化。如果不消滅這種不守法意識,我哋都難以令這種情況不惡化下去。」

另外,鄧炳強說自己作為警務處長,他會繼續到不同區議會解說,強調這個是他的責任,並且需要跟地區人士溝通,理解地區的關注點,以及解釋謬誤。鄧炳強又表示,自己「從來唔鬧交,只會有問必答。」

發表意見