因政見上月被業主拒續約 黃報販貞姐另覓地點復業:唔係為錢㗎!

「特登嚟搵你㗎」、「原來開咗喺呢度啊!」

在灣仔大王東街明仁里一間咖啡店內,今日有不少街坊專誠來探望一位老朋友,「黃報販」貞姐。她早前在皇后大道東經營報攤,因為擺放文宣,被業主拒絕續約,上月中被逼結業。事隔一個月,貞姐找到地方重新開業,落戶兩街之隔的咖啡店內。貞姐說,昨晚緊張得失眠,今早 5 時多便回到店舖準備開店。店舖坐落在橫巷,人流不如以往興旺,貞姐表示會晚一點才收舖,爭取時間讓更多人知道報攤復業。

自從得知舊業主拒絕續約後,貞姐便嘗試尋找其他位置開檔,卻處處碰壁,遇到其他同業因政治緣故而推唐,「講真都比較恐慌,我就覺得多咗啲,其實都係自我審查。」

貞姐:從不後悔貼文宣決定

她說,希望在灣仔區尋覓地方,畢竟在區內有一班熟客,大家已建立感情,希望提供平台讓同路人相聚。「唔係為咗錢㗎,為咗錢當初就跪低咗。嗰個位一定好生意過呢度,做咗咁耐。」貞姐表示不後悔當初的決定,相信若當初妥協移除文宣,亦難保業主會再提出其他不能接受的要求。

《立場》記者到訪貞姐店舖期間,熟客高先生特意帶同自製的指示牌,貼在舊報紙檔,提醒顧客貞姐的新舖已開業。高先生稱「冇嘢做咪嚟幫下手」,希望吸引更多人前來光顧。

街坊:唔順路都要嚟打招呼

另一位熟客李小姐對於貞姐能再度開業感到高興,形容貞姐的報攤是一個令自己感到舒服的地方,讓大家能夠「圍爐取暖」。她又指雙方已不單是顧客和檔主的關係,「當咗佢係 friend,出親嚟就要過嚟呢邊,唔順路都要過嚟打下招呼。」

李小姐居住在灣仔區多年,她表示與鄰近店舖不相熟,唯獨視貞姐如自己人一樣,「同佢傾返幾句先舒服。」

來探望貞姐的還有鄧先生,他不是灣仔區街坊,但不時會乘車到灣仔街市買菜,今日特意過來光顧。「呢個位梗係唔同以前,以前有個大檔口,宜家得少少位,我諗都好辛苦。」但他相信不會難到貞姐,亦相信熟客會繼續支持。

顧客幫襯後不忘跟貞姐說聲「努力加油!」

貞姐笑著回應:「(呢度)加油站嚟㗎!多啲過嚟傾偈!」

編輯推介

    發表意見