立場新聞 Stand News

國安法嘅目的係「嚇到香港人唔敢再抗爭」

2020/6/24 — 10:54

【文:手足 Z】

國安法並唔係為咗管治權,而係為咗令香港人感到恐懼。中共希望藉著國安法令香港人嚇到唔敢再抗爭。

去年反送中,香港警察用盡催涙彈、水炮車、真槍實彈等等,都嚇唔到香港人,所以中共惟有親身上陣,用中國最惡嘅法律去嚇退香港人。

廣告

國安法內提到嘅事情,有邊樣唔係進行緊?中國國安在香港捉人?捉香港人上大陸審查?嚴刑虐打?香港人被囚禁在大陸?中共全部已經做緊。中共並唔需要國安法授權去做呢啲事。

國安法通過後,中共有可能會捉一些人來製造恐慌去嚇窒香港人,中共期望香港人會因為恐懼而唔敢再抗爭。如果香港人唔出嚟抗議,中共就知道香港人害怕,然後中共就會恃無忌彈地打壓香港人,好似對付維吾爾族人咁樣。喺中共面前展示恐懼和退縮,只會招致更殘暴的打壓。反過來,只要我哋好似反送中嘅時候咁樣不斷抗爭,才有可能令中共有所卻步。中共最怕嘅係有勇氣反抗嘅人!

廣告


 

發表意見