立場新聞 Stand News

國安法殺到,泛民大佬集體跪低

2020/6/27 — 15:06

黎智英

黎智英

自從全國人大決定出手建立港區國安法制後,泛民一眾大佬的表現,真係有點核突。好像壹傳媒創辦人黎智英在專欄撰文,呼籲大家不要恐慌,又話北京推出的港區國安法,已經引起世界各國反對,很可能虎頭蛇尾,但是另一邊廂,他又在做什麼呢?

他在爭取更改保釋條件,要求取消禁止他離開香港的命令。不是話毋須恐慌的嗎?不是話港區國安法會虎頭蛇尾嗎?為何又要在沒有確實的外遊計劃日程下,一再向法院申請離港禁令呢?肯定不是為了着草,而是純粹想外遊散心啦?一定係,除非唔係。

另一邊廂,泛民的另一位大佬:民主黨創黨主席李柱銘,則在接受《紐約時報》訪問時,話自己始終如一堅持「一國兩制」的立場,要求獨立會讓香港失去國際支持,又反問提倡攬炒的人「如果你發動一場革命,然後徹底失敗,很多人會和你一起死。這對香港有什麼幫助」?

廣告

有留意香港新聞的人,都會發現李柱銘過去也曾發表類似言論。讓人覺得核突的地方是,修例風波已經爆發一年,李柱銘為何早不講遲不講,偏偏要等到北京出手搞港區國安法,你至跳出來同前線手足割蓆?你說他不是臨急玩切割,又會有人信嗎?

當然,相比起李柱銘,陳方安生才是真正難睇!自人大上個月決定推出港區國安法以來,這位曾經被人叫作「香港良心」的陳方安生,便一改過往作風,而是像一隻鵪鶉一樣,一粒聲都唔出。直到近日傳媒開始吹風,港區國安法將有機會在周末周日通過,她才出來講嘢,講乜呢?原來係宣布佢要收皮,從政治上淡出喎!

廣告

講真,雖說陳太現在才宣布收皮,已是縮得太遲,但是作為一個港英豢養出來的高等華人,聽到港區國安法殺到,嚇到淆底要收皮,也是可以同情地理解。問題是,你收皮就收皮啦,關你 80 歲什麼事呢?馬來西亞馬哈蒂爾92歲還去做首相,陳太只有 80 歲,就拎自己歲數來做收皮藉口?這是呃人膝頭哥唔食辣椒醬嗎?

發表意見