假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/10/23 - 11:51

國產七七七

圖片來源:電影《國產凌凌漆》片段截圖

圖片來源:電影《國產凌凌漆》片段截圖

本故事純屬虛構,如有雷同,實屬巧合

金鐘

光頭佬「阿七,國家終於有任務比你啦,皇上叫你上深圳見佢呀!」

廣告

七七七「好!等我即刻推晒咩施政報告果類唔等使嘢,上去見佢!」

深圳

巡按「嚟得咁快,隨傳隨到,阿七你果然對國家忠心耿耿」

七七七「咁都係因為國家對我的恩情有如滔滔江水連綿不絕,又有如黃河泛濫一發而不可收拾。係呢巡按大人,唔知皇上搵我係有咩緊要事傾呢?係咪要捉黃痴瘋,定又有人要送中?」

巡按「今次好簡單啫,陣間皇上演講,身後要有後宮佳麗三千做佈景板,依家仲爭隻腳,你嗱嗱臨去果邊個角落度填咗個位,就得㗎啦」

七七七「......就係咁樣?有冇機會同皇上寒暄幾句㗎?」

巡按「阿七,你區區一個大灣區二線城市市長,地位仲低過深圳市長同中聯辦主任,正一九品芝麻官,皇上日理萬機,咁多事做,邊樹得閒同你寒喧呀,尤其你個人又咁悶都唔知有咩好寒喧」

七七七「之但係呢巡按大人,我上嚟之前響香港吹到今次好大件事㗎嘛,依家做陣佈景板,個位仲要冇雷公咁角落,就要返去,好瘀㗎喎」

巡按「你瘀唔瘀關皇上鬼事呀?家陣皇上鐘意叫你嚟就嚟,鐘意叫你扯就扯,係咁㗎啦,仲想點呀?仲唔謝恩,跟住彈開埋個角落度罰企?」

七七七「...謝皇上...」

作者 Patreon