立場新聞 Stand News

圍困理大第五日 留守情侶:好難講一齊幾耐,唔知幾時會俾人拉

2019/11/22 — 0:52

圖為二人近來使用的頭盔

圖為二人近來使用的頭盔

理工大學圍困第五日,在校園一角,有一對如膠似漆的情侶,周邊留守者都向記者投訴,「佢哋日日都放閃,真係頂唔順。」追問之下,原,原來這對小情侶星期日才認識,至今相識不足一星期。

15歲的阿詩(化名)和17歲的軒仔(化名)相識在急救站,當時二人均是傷痕累累。「我個陣一次過中左3粒催淚彈」,軒仔指著自己的小腿、腹部及額頭,被送到急救站時遇上阿詩。「佢個陣未好就想出去,我唔俾佢走,之後就留係度陪佢傾計」,二人相談甚歡,但始終心存戒備,未有留下聯絡方法。

翌日,二人在前線投擲汽油彈時再次相遇,還未來得及驚訝,軒仔又再中胡椒彈受傷。軒仔一方面希望認識這個倔強的「前線絲」,另一方面希望帶傷上陣的二人能在前線有個照應,最後成功與阿詩交換電話號碼。交談間,阿詩重新認識對方,亦發現對方十分照顧他,「佢好好,係佢身邊好有安全感」,二人最終成為男女朋友。

廣告

縱然二人身處險境,但在對方相伴下,時間未如想像中難挨。軒仔搭著阿詩膊頭,看著她笑說:「好彩呢段時間有阿B!」隨即又親上她的臉頰,阿詩笑逐顏開。旁邊坐著的男生們抵受不住二人的肉麻,不禁撫額、反白眼。

回歸現實,二人深知大家都有可能被捕,甚至會被控以暴動罪,最高可判處監禁10年。阿詩明言,「好難講可以一齊幾耐,因為唔知幾時會俾人搭走」。

廣告

如若對方被捕,他們會如何應對?

阿詩說:「我會等佢出黎。」

軒仔說:「呢個問題,我唔會俾佢發生。」

他又看著阿詩補充說:「如果我俾人拉,你記得走先。」

坐左旁邊的阿駿(化名)語帶欣羨:「勇武真係需要女朋友、男朋友,要心靈支持。點解我未有嘅?」

房間內的留守者隨即哄堂大笑。

 

發表意見