假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/3/28 - 9:44

執法不公,法官更應理解市民關心

圖片素材來源:終審法院網站

圖片素材來源:終審法院網站

筆者上篇講司法系統對維護民主法治的限制的文章「出街」後,撞正政府宣布新大法官人選然後又出現區議會主席被捕的新聞。看回新聞,中西區區議會上任不足三個月以來多次同警方在開會期間口頭駁火:

另外翻查新聞,元朗區議會主席黃偉賢、西貢區主席鍾錦麟、深水埗區副主席伍月蘭,以及各區多名區議員,近期都曾因參與示威集會被捕

警方之前一路自稱獲市民(五毛)支持,卻被真民意在區選大巴大巴咁星,於是惱羞成怒針對區議員(睇返上面報道話警民關係主任串民主派議員「僅以 3,073 票當選,不要忘記有 2,487 人並唔係選你」,就知班友個腦已經 short 咗),公報私仇,執法不公,已是眾人皆見。

廣告

此時此刻,市民更加旨意司法系統能否守護法治同民主自由,關心大法官人選,絕對可以理解。筆者冇追蹤開,對張舉能本人品格、能力同立場冇評論,但我認為外界有相關討論,只要係公開公道的評論,係合理的。認為外界唔討論就係「不政治化」,絕對係天真。依個位本身就係政府的委員會任命,要立法會通過,又會處理眾多涉及政治的司法覆核,點可能唔關政治事?依家政府都尚且仲係委任一位爭議性少的人,但難保將來赤化完成,狼死起上嚟委任袁國強、僭建驊、湯渣驊之流,咁到時又係外界唔好政治化唔准出聲呀?學德國名言講,當日獨裁者唔追殺你,你唔出聲,第日佢殺到你埋身,就唔好怪冇人幫你出聲。

最後,張舉能個名舉能,估計係取自四字詞語選賢舉能,即選舉一詞的來源。如果張舉能真係上任,希望佢能守護自己個名,守護香港的選舉同自由法治。

 

作者 Medium