夏寶龍促告別劏房 石禮謙:領導人只提出問題,有無幫助解決?

經民聯立法會議員石禮謙現年 76 歲,他連任五屆地產及建造界議員,是立法會最資深的議員,來屆立法會選舉他不競逐連任。石禮謙接受《商業電台》專訪,對於港澳辦主任夏寶龍早前提出,希望香港 2049年或之前告別劏房,石禮謙認為領導人只提出問題,「佢哋提出問題,但有無考慮政府點解決問題呢?有無幫助林鄭、香港政府去解決問題?」又指香港還有其他社福議題,舉例平均每年有 5,000 名長者在輪候資助安老宿位期間去世,反問「啲領導人有無探過佢哋,有無了解到佢哋?」

據《商台》報道,石禮謙在訪問中最感嘆香港深層次矛盾仍未得到妥善解決。夏寶龍在 7 月曾提及希望香港將告別劏房,中聯辦、政府官員頻頻探訪劏房戶。石禮謙認為,領導人不應該只點出問題,而沒有理解箇中原因,「佢哋提出問題,但有無考慮政府點解決問題呢?有無了解點解解決唔到問題呢?有無幫助林鄭、香港政府去解決問題?只係話俾你聽有問題、有問題、有問題。」

他指出,香港除了面對房屋短缺,亦有福利、醫療、教育等議題,必須一併處理,指出香港每年平均有 5,000 名長者在輪候資助安老宿位期間去世,反問「有無人關注過老人家等上 Care and Attention Home(護理安老院)?5,000 個至 6,000 個死咗,啲領導人有無探過佢哋,有無了解到佢哋?」

石禮謙期望,在「完善選舉制度」之後,新一屆議會可以協助政府更有效施政,加快解決問題。他又告誡來屆立法會議員工作要以人民至上。石禮謙是地產及建造界議員,作為商界代表,他指自己支持定期上調最低工資水平,不認同有議員指不應該上調工資,「做 3 個鐘,37(37.5)蚊,個段車費,買埋個飯盒都無咩淨,仲要養家活兒。」他稱「做議員好,做人好,唔係淨係為咗自己業界,唔係為咗自己個人喜好,係服務人民。」

形容「鬧雙胞」為生涯最黑暗日子 可憐民主派要包圍自己

前年立法會修訂《逃犯條例》法案委員會「鬧雙胞」,建制派推舉石禮謙主持選舉主席的會議,他嘗試主持會議時一度被民主派包圍。石禮謙在訪問中形容,這是他多年議會生涯中,最黑暗的日子,但他指自己無「勞氣」,「我老喇,我咩都見過,同埋好可憐佢哋要做到咁去唔俾我開會,咁我又理解,佢哋有佢哋嘅制度,佢哋去阻我,但佢哋無惡意對我,大家你鬧我、我鬧你,無止境㗎,係咪?咁咪唔開囉。」

稱大學時期多次被捕 毋須坐監「社會唔同,社會俾機會我」

石禮謙感慨很多年輕人在社會動盪中被捕入獄,稱「(建制派議員)我哋唔係無感受」,又指自己是過來人,「我自己做大學生嗰陣,都曾經走去騷亂過,嗰時反越戰,都俾人拉好多次,但係我幸運唔需要坐監,因為社會唔同,社會俾機會我。過去嗰班青年,佢哋都要有個機會」。他指社會應對過去幾年發生的事情「Forgive but not forget」(寬恕但不能忘記),當權者要思考箇中原因,並檢討教育制度,並給予機會年輕人更生及改過。

編輯推介

    發表意見