立場新聞 Stand News

大家記得明天去投票!

2019/11/23 — 17:55

衷心希望,各位選民就要好好運用手上這一票,幫助香港在危亂中找出路。大家應該還記得,今天這個危機是怎樣產生的?就是 6 月 9 日上百萬人和平遊行,反對修例,但政府當晚就發新聞稿堅持如期立法,由此引發一連串激烈的社會衝突。政府為何可以一直逆民意而行?因為政府看見的民意,就是被建制派壟斷的區議會,18 個區議會主席聯署聲明支持政府應該繞過立法會法案委員會,直接將逃犯條例的修訂交由立法會盡快表決通過。儘管八成以上市民支持獨立調查,特首仍可無動於衷,因為她自恃有建制派議員撐腰。所以,我們要改變這個現狀。

雖然區議員沒有實權,但只要全港四百多個區議會議席有多於一半由非建制取得,1,200 人的特首選委會内,非建制選委數目就會增加 120 個,達到 500 人以上,屆時北京將難以操控特首選舉,往後的特首就必須因應民意作出政治妥協。

因此,今次區選我希望大家不會再像以往般考慮候選人地區服務經驗,必須集中力量投給非建制候選人。地區服務經驗可以在當選區議員以後慢慢累積,特別是我看見這一代的年青人很多都是可造之才,我們就嘗試給他們一個機會吧!

廣告

「珍惜你的選票,不要開門迎接極權,不要令暴政發笑,不要令權貴錯覺可以為所欲為。」

— 區家麟〈今個星期日,如果那是你最後一次做愛〉 

以下亦是我看見群組內傳來的分析,覺得都能夠清晰講出明天區議會選舉結果的重要性。

廣告

如果星期一朝早起身個點票結果仍然係班建制奪過半議席,18 區繼續籠斷區議會分區主席,呢個運動將會完全結束,自己諗下星期一班建制派會點解讀呢個選舉結果就知:

何妖(吹住喇叭咁講):又話懲罰我?我又咪係入咗區議會

鼠王芬:大部份市民都係支持三萬警察辛苦嘅工作,亦都認同建制派多年嚟嘅工作。

李慧琼:我哋相信大部份選民嘅眼光都係雪亮嘅,今次嘅選舉結果就好清楚咁反映民意,暴力係無市民支持嘅。

鄧炳強:警察嘅工作好辛苦,大家都睇到,今次市民嘅選擇為警隊一路以嚟止暴制亂嘅工作作出肯定同打下強心針。

散仔康樂部主席:各位兄弟,我哋無做錯到!全部市民都睇到,班曱甴係唔會得到支持嘅。

張建宗:民調我就見唔到啦,但係選舉結果就好清楚咁展示出香港大眾同暴力割蓆

689:理大留守嘅暴徒,宜家班和理非無人理你哋啦,連票都唔投,你哋真正做咗 condom

777:選舉結果已經好清晰咁表達出市民大眾與暴力割蓆,少數嘅極端暴力分子要脅政府達到所謂嘅政治訴求係永遠唔會得逞,亦唔會得到市民嘅支持。

中聯辦(開香檳慶祝):愛國愛黨是區議員最基本的要求,香港的市民是沒有異議的。

港澳辦:國家全力支持愛國愛黨的建制人士,港獨分子的陰謀企圖,在習主席偉大的領導之下永遠不會得逞的。

侵侵:Hong Kong has a very good election. Hong Kong people have made their choice. It is very good result and good democracy. We don’t need to pass the Hong Kong Human Rights and Democracy Act.

和理非:除咗無得遊行集會,宜家連選舉都反映唔到自己嘅意見,唔會再有中環「和你 lunch」,大家回歸港豬賺錢mode 深潛。

理大手足:感到真正被遺棄,被和理非割蓆,繼而投降、被捕、甚至自殘

陳彥霖、周梓樂,還有新屋嶺、太子站、7.21 嘅受害者,將永遠蒙冤……警察同林鄭政府將會得到人民嘅授權,繼續橫行……

記住
「投票唔係要泛民贏,
投票係要建制輸!」

拎咗個議席之後開議員辦事處可以請番有案底嘅手足做辦事處職員,俾建制贏咗就繼續派蛇齋餅糉。

唔係講區議會贏咗就代表個運動會贏,但係區會輸咗個運動肯定會輸!星期日係好重要嘅一個關口,六月以嚟咁多個關口都過咗,今次希望大家都要齊上齊落,要過呢關。

#求下你地真係早啲起身去投票
#邊個贏都好 #總之我要建制輸
#手動轉

星期日記得早啲去投票呀!

 

作者 Facebook

發表意見