立場新聞 Stand News

大絕之後,國安法的危與機

2020/5/22 — 13:21

全個 Fb 好似世界末日咁,又移民又寫遺書,但等等先,搞清楚,究竟係咩事迫到香港「突然」咁嚴峻?

立法會搞來搞去搞到依家連正常程序都費事理你,根本唔洗中央出手就全軍覆沒;反送中到今日示威和你x火魔出齊接近一年,甚至去年九到十一月最激烈時期都無反應,但偏偏係無咩示威發生既現在趕住行國安法?而且明知呢個先係真攬炒都要行,係咩原因?

答案好顯,係經濟呀!唔係香港出事,係中資及親中企真心有事。然而近兩星期中港高官不斷警告既黃色經濟圈,一個有政治取態既消費模式唔一定會令中資大企動搖,但combo肺炎及外國唔妥中資,就出左事。咁既話奴才政府就要用盡方法課金俾中資,例如海洋公園死都唔肯講債主係邊個,就明嗰三十億係要進貢比咩銀行。更厲害既係,「保就業」計劃政府俾企業每個員工萬八,但如果企業收左錢後炒人就只係罰千幾,咁著數又鼓勵無良僱主做陰質事既政策都唸得出來,最終受惠既當然唔係中小企,而係有幾百幾千員工,而即使香港出現大失業潮都無感覺既中資大企。佢地係呢個優惠下,只要炒五百人,既可以節流,又可以有千萬補助,咁著數真心好過去搶。另外受惠既就係一啲可以開人頭數既空殼,都可以無本生利。但係,一千幾百萬係唔足以救到一個可能已負債過十億既公司,例如海洋公園既債主,所以國安法真係為左搞示威者及反對政府既人?定係上面或某些大企狗急跳牆,寧不要外交、面子,甚至放棄台灣「攻略」,都要靠法案來斬香港一刀,止自己血?

廣告

一個就嚟死既角色先會出大絕。反過來說,呢個先係抗議及黃色經濟圈之後,最理想亦最合乎邏輯既結果,但唔一定係結局,視乎香港頂唔頂得住個絕招,再作反擊。

一般人還未需要擔心,真正需要支援既,係中小企,前線手足,醫護,教師,及不同類型既創作人士。回想起香港人可以一夜之間促外國報紙頭條,一晚集結千輛汽車去機場接放學,一場運動令全世界為香港打氣,被看似全敗的區議會選舉最後幾近全勝,被看不起的黃色經濟圈最後成為令政府動搖的最强武器,一切都是出名靈活的香港人,在認知上作出改變所得來的結果。未來還未定形,還有可以做的事。

廣告

 

發表意見