立場新聞 Stand News

如果香港最終淪為廢墟

2019/11/12 — 9:36

11 月 11 日,特首林鄭月娥見記者。

11 月 11 日,特首林鄭月娥見記者。

有一位好關心我嘅「朋友」傳來短訊,佢同我講叫我盡量少出聲,今時今日對錯好難講得清,唔好押邊,跟車太貼隨時炒車。

呢位「朋友」我好耐冇聯絡,我問佢而家做緊乜,佢同我講話佢係一個建制派政黨入邊做緊軍師,佢係做後勤,唔出面嗰種。

我之後冇再覆佢,我諗佢有睇開我呢個面書,我想同佢講,今去到呢一刻已經冇話係唔係跟車太貼,香港係我哋嘅屋企,已經係千瘡百孔,我無論你係哪一邊,我都相信你係痛心疾首。

廣告

呢一種痛係不分政見,不分立場;但係我之所以寫文章,就係因為有自己嘅原則,有自己所相信嘅價值,我不吐不快,寧鳴而死,不默而生,如果我係呢一刻因為怕押錯邊而退縮,我呢個面書專頁可以摺埋。

林奠月蛾你仲有面目用特首身份開記者會,你仆街啦,搞到香港咁混亂嘅七婆,快啲切腹辭職啦,唔好再獻世啦,令香港踏上不歸路嘅人就係你呀!

廣告

如果香港最後可以光復,我會繼續守護此城;如果香港最終淪為廢墟,我願意繼續伴隨此地。

 

作者 Facebook

發表意見