立場新聞 Stand News

宣佈參選至今 17 日 選舉主任仲未搵我

2019/10/14 — 15:07

今朝去完中環見美國參議員,立即跑返去自己嘅選區度拉票同貼海報;查實距離提名期完結都得返倒數四日時間,既然而家已經有民主派嘅參選人獲選舉主任確認成為合資格嘅正式候選人,我都喺度同大家講講我嘅情況。

由 9 月 28 日宣佈參選至今,唔經唔覺已經過咗兩個星期,去到第 17 日啦。直至呢一刻為止,南區區議會選舉嘅選舉主任馬周佩芬,都仲末聯絡我去要求我回答任何有關我個人政治立場嘅問題。

講真,我參政以嚟關於中港關係嘅言論真係一匹布咁長,都好難以預計選舉主任會問乜嘢問題,但必須重申「我有權參選政府無權篩選」,我係咪勝任區議員,應該由海怡居民決定,而唔係北京或港府定奪。

廣告

今個星期三,係提名期完結前嘅最後一日,咁啱得咁橋撞正係林鄭發表《施政報告》,仲係美國眾議院大會審議兼極有可能通過《香港人權與民主法案》嘅日子,姑且睇吓南區選舉主任幾時搵我,定係諗住係咁敏感嘅時候取消我嘅參選資格,引來國際輿論嘅軒然大波。

無論如何,我依家嘅選舉工程一定會繼續,一旦取消參選資格,都已經同民主動力商討好,準備咗應變方案。

廣告

作者 Facebook

發表意見