立場人語

立場人語

2019/12/29 - 15:32

【專訪】怕港人失鬥志 露面合唱召回同行者 聖馬可陳同學:啱嘅事就要去做

港島東區聖馬可中學一群學生前日 (27日) 於網上發佈短片,以無伴奏 (a cappella) 方式演唱《願榮光歸香港》,並以獨白批評政府實彈鎮壓示威者及感謝同行市民。負責撰寫獨白的陳同學接受《立場新聞》訪問時表示,對於影片被廣傳感到意外和振奮,製作原意是有感香港人在聖誕前後似乎失去鬥志、擔心大家已遺忘過去數月犧牲的「手足」,故希望以該短片再次喚起關注。她並澄清短片的製作單位為聖馬可中學反修例罷課關注組,由學生自發組成;短片發佈前沒有知會校方,亦不代表校方立場。

10.1 開實彈起創作念頭 公園拍攝被指罵

就讀該校中六的陳同學為關注組成員,該關注組於今年暑假期間成立,曾籌辦靜坐、組人鏈、音樂會及製作宣傳片等聲援抗爭運動。10.1 警方於荃灣開實彈令中學生曾志健重傷後,陳同學義憤難平,於是寫下片中的獨白稿;及後 11.11 西灣河再開實彈射中周同學,事發地點與學校非常近,同學們都很想做點事,於是有 8 位同學一起合唱《願榮光》和拍攝,都是中五及中六學生。由於剪片需時,故於近日才完成發佈。

廣告

陳同學憶述,他們在學校附近的愛秩序灣公園拍攝時,因戴黑口罩和舉起「光復香港、時代革命」的旗幟,遇到不少長者指罵「哩啲學生唔讀書掛住搞事!」但同學都沒退縮。後來租了錄音室錄歌則遇上同路人,「佢話『見你哋係錄哩首,幫你哋執靚啲啦!』」在剪接上特別用心幫忙。

陳同學說,本以為影片只有校內自己人會感興趣,沒想到經《立場》發佈後引來這麼大迴響。「因為我本身覺得香港人丟淡咗,見到好多一路努力做緊嘢嘅人最近都頹晒,好似得返自己一個仲努力緊咁.... 今次睇到大家啲留言就覺得好鼓舞,知道其實仲有好多人都在乎件事。」

她又提及,片中獨白除了控訴政權鎮壓,也很想對同行者表達感謝,包括記者、醫護、老師和家長等,「我都有諗過要唔要多謝埋警察,因為知道有一啲警察都想大家好嘅,比如會叫我哋早啲返屋企啦、去食糖水啦。但我驚啲人睇完會更嬲,就無寫入去。」

除口罩示決心 以中學生身份為榮

很多人對於他們在影片中無懼除下口罩表示佩服,但陳同學指都有一些反對聲音:「有人會話我哋咁樣係鼓吹緊除口罩就好勁、當啲蒙面嘅手足係 condom,我哋真係無哩個意思。除口罩只係想展示一種決心,我哋就係我哋,而且唱歌亦都無犯法,之前都有啲音樂人會除口罩表達心意。但我哋都好認同手足出去行動時要戴口罩保護自己。」

至於穿校服則純粹巧合,本來同學是想穿黑色衫褲拍攝的,但數個周末都無法約齊人,最後就在兩個放學後的下午完成拍攝。「當然我哋內心都好以我哋學校為榮,亦都想帶出我哋係中學生嘅身份,去為中學生發聲。」

然而,事後有上鏡的同學被父母認出,部份的家庭比較「藍絲」,就將同學教訓了一頓;亦有家長擔心他們的安全、或不想他們再參與運動故不准外出,今日只有陳同學能以電話接受訪問。

「換到校長老師,都撳唔到學生嘅思想」

陳同學指,短片發佈後校內同學都表示為「聖馬可人」自豪,亦有很多校友打了長篇感言去鼓勵師弟師妹。有個別老師跟他們聯絡,大多是表達關心,「驚我哋露咗面會有危險,話有咩事要同佢哋講,老師會保護我哋。」他們並不擔心校方對自己秋後算帳,「但辦學團體聖公會政治立場係偏向保守嘅,之前我哋喺畢業禮戴口罩、叫口號,佢哋見到都嬲,唔知今次事件會唔會令佢哋向校長老師施壓。但就算佢哋換咗我哋嘅校長同老師,都唔會撳得住我哋嘅思想。」

她強調是次影片的製作均是學生關注組自發進行,內容並不代表校方立場,事先亦沒有知會老師和校長。「我想聖公會知道,我哋學校上年出咗 DSE 狀元,能夠有咁嘅成就,係因為校方一直都俾學生好多空間同自由度,先令到我哋願意去學習更多、去理解社會發生緊嘅事;希望佢哋都可以相信我哋哩班年輕人係有智慧去思考同選擇。學生好多時睇到係啱嘅、對個社會有用嘅事就會去做,唔會因為有屋企人或者學校反對、撳住我哋就退縮。」至於對市民大眾的期望,她只有一句:「1月1日囉,希望見到大家。」